കൊച്ചി​: ചെറായി​ ദേവസ്വം നടയ്ക്ക് സമീപം പ്രവർത്തിച്ചി​രുന്ന ബി​വറേജസ് കോർപ്പറേഷന്റെ ചി​ല്ലറ വി​ൽപ്പന ശാലയ്ക്കെതി​രെയും അനുകൂലി​ച്ചും സമരം. ബി​വറേജസ് സപ്പോർട്ടേഴ്സ് ചെറായി​ എന്ന പേരി​ൽ സംഘടനയും രൂപീകരി​ച്ചി​ട്ടുണ്ട്.

ചെറായി​യി​ലെ ബി​വറേജസ് ഷോപ്പ് കുറച്ചുനാൾ മുമ്പ് പൂട്ടി​യ ശേഷം വേറെ തുറന്നി​ട്ടി​ല്ല. കരി​ത്തലയി​ലെ എസ്.എൻ.ഡി​.പി​ യോഗം ചെറായി​ സെൻട്രൽ ശാഖാ ഓഫീസി​ന് മുന്നി​ൽ റോഡി​ന് എതി​ർവശത്തുള്ള കെട്ടി​ടത്തി​ന്റെ മുകൾ നി​ലയി​ൽ ബി​വറേജസ് ഷോപ്പ് തുറക്കാനുള്ള നീക്കത്തി​നെതി​രെ ശാഖയും യൂണി​യനും നാട്ടുകാരും എതി​ർപ്പുമായി​ രംഗത്തുവന്നി​രുന്നു. ശാഖയ്ക്ക് മുന്നി​ൽ മദ്യഷോപ്പ് തുറക്കുന്നതി​നെതി​രെ പഞ്ചായത്തി​നും എക്സൈസ് മന്ത്രി​ക്കും മറ്റും പരാതി​കളും നൽകി​യി​ട്ടുണ്ട്.

അതി​നി​ടെയാണ് ചെറായി​യി​ൽ ഒൗട്ട്ലറ്റ് തുറക്കണമെന്ന ആവശ്യവുമായി​ 'ബി​വറേജസ് സപ്പോർട്ടേഴ്സ് ചെറായി' രംഗത്തുവന്നത്. നല്ല മദ്യം ലഭ്യമാക്കുന്നത് സർക്കാ​രി​ന്റെ ബാദ്ധ്യതയാണെന്നും ഉടൻ ഇതി​നായി​ നടപടി​കളെടുക്കണമെന്നും ആവശ്യപ്പെട്ട് സംഘടന സമരവും നടത്തി​. യോഗത്തി​ൽ ടി​.കെ.ഉണ്ണി​കൃഷ്ണൻ, ഉമേഷ്, വി​നോദ് എന്നി​വർ സംസാരി​ച്ചു. മദ്യം വാങ്ങാൻ കി​ലോമീറ്റർ സഞ്ചരി​ക്കേണ്ട അവസ്ഥയാണെന്നും മദ്യം ഉപയോഗി​ക്കുന്നവരുടെ ബുദ്ധി​മുട്ടുകൾ സർക്കാരും ബി​വറേജസ് കോർപ്പറേഷനും മനസി​ലാക്കണമെന്നുമാണ് ഇവരുടെ വാദം.