കോലഞ്ചേരി: കടയിരുപ്പ് ഗവ. ഹയർ സെക്കൻഡറി സ്‌കൂളിലെ എൻ.എസ്.എസ് യൂണി​റ്റ് മുത്തൂ​റ്റ് ചാരിറ്റബിൾ ട്രസ്റ്റുമായി സഹകരിച്ച് ജീവിതശൈലി വൃക്കരോഗ നിർണ്ണയ ക്യാമ്പ് നടത്തി. ഐക്കരനാട് പഞ്ചായത്ത് പ്രസിഡന്റ് ഡീന ദീപക് ഉദ്ഘാടനം ചെയ്തു. പി.ടി.എ പ്രസിഡന്റ് എം.കെ. മനോജ് അദ്ധ്യക്ഷനായി. പ്രിൻസിപ്പൽ കെ. മിനി റാം, ജീമോൻ കടയിരുപ്പ്, ഹെഡ്മിസ്ട്രസ്​ വി. ജ്യോതി, ടി. ബിജോ ജോസഫ്, അതുൽ വേണുഗോപാൽ, അന്ന പി. സജി തുടങ്ങിയവർ സംസാരിച്ചു.