കോതമംഗലം: എസ്.എൻ.ഡി.പി യോഗം പോത്താനിക്കാട് ശാഖയുടെ വാർഷിക പൊതുയോഗവും ഭരണസമിതി തിരഞ്ഞെടുപ്പും ശാഖാഹാളിൽ യൂണിയൻ സെക്രട്ടറി പി.എ. സോമൻ ഉദ്ഘാടനം ചെയ്തു. യൂണിയൻ പ്രസിഡന്റ് അജി നാരായണൻ അദ്ധ്യക്ഷത വഹിച്ചു. ഇ.കെ. പത്മനാഭൻ (പ്രസിഡന്റ്), ബിനു സി.ടി (വൈസ് പ്രസിഡന്റ്), കെ.ജി. ബാബു (സെക്രട്ടറി), പി.വി. വാസു (യൂണിയൻ കമ്മിറ്റി) തുടങ്ങിയവരുടെ നേതൃത്വത്തിലുള്ള 11 അംഗ കമ്മിറ്റിയെ തിരഞ്ഞെടുത്തു. ചടങ്ങിൽ യൂണിയൻ വൈസ് പ്രസിഡന്റ് കെ.എസ്. ഷിനിൽകുമാർ, യൂണിയൻ കൗൺസിലർമാരായ പി.വി. വാസു, സി.വി. വിജയൻ, വാർഡ്മെമ്പർ സുമദാസ്, യൂത്ത്മൂവ്മെന്റ് യൂണിയൻ പ്രസിഡന്റ് എം.ബി. തിലകൻ , ശാഖാ പ്രസിഡന്റ് ഇ.കെ. പത്മനാഭൻ, വൈസ് പ്രസിഡന്റ് ടി.ആർ. സുധൻ, സെക്രട്ടറി കെ.ജി. ബാബു തുടങ്ങിയവർ പ്രസംഗിച്ചു.