പെരുമ്പാവൂർ: കേരള ഹോട്ടൽ ആൻഡ് റെസ്റ്റോറന്റ് (കെ.എച്ച്.ആർ.എ) സംസ്ഥാന പ്രസിഡന്റായി തിരഞ്ഞെടുക്കപ്പെട്ട ജി. ജയപാലിന് പെരുമ്പാവൂർ പൗരാവലിയുടെ നേതൃത്വത്തിൽ സ്വീകരണം നൽകും. ഇന്ന് വൈകിട്ട് 5ന് പെരുമ്പാവൂർ ഫാസ് ഓഡിറ്റോറിയത്തിൽ നടക്കുന്ന സ്വീകരണസമ്മേളനം സിനിമാനടൻ ജയറാം ഉദ്ഘാടനം ചെയ്യും. നഗരസഭ ചെയർമാൻ ടി.എം. സക്കീർ ഹുസൈൻ അദ്ധ്യക്ഷത വഹിക്കും. എം.എൽ.എമാരായ അഡ്വ. എൽദോസ് കുന്നപ്പിള്ളി, ആന്റണി ജോൺ, പെരുമ്പാവൂർ മേഖല റെസിഡന്റ്സ് അസോസിയേഷൻ പ്രസിഡന്റ് അഡ്വ. എൻ.സി. മോഹനൻ, സാജുപോൾ തുടങ്ങിയവർ സംബന്ധിക്കുമെന്ന് പ്രോഗ്രാം കമ്മിറ്റി ഭാരവാഹികളായ അഡ്വ. എൻ.സി. മോഹനൻ, സലീം ഫാറൂഖി, കെ. പാർത്ഥസാരഥി, എ.എം. അസീസ്, കെ.ഇ. നൗഷാദ് തുടങ്ങിയവർ അറിയിച്ചു.