മുളന്തുരുത്തി: കണയന്നൂർ താലൂക്ക് സഹകരണ കാർഷിക ഗ്രാമവികസന ബാങ്കിന്റെ മുളന്തുരുത്തി ബ്രാഞ്ചിൽ 42-ാം സഹകരണ നിക്ഷേപ സമാഹരണം ആരംഭിച്ചു. ബാങ്ക് പ്രസിഡന്റ് സി.കെ.റെജി അദ്ധ്യക്ഷത വഹിച്ച ചടങ്ങിൽ കേന്ദ്ര ബാങ്ക് എറണാകുളം റീജിയണൽ മാനേജർ ശ്രീദേവി എസ്. തെക്കിനേഴത്ത് നിക്ഷേപകർക്ക് രസീത് കൈമാറി ഉദ്ഘാടനം നിർവ്വഹിച്ചു. മുളന്തുരുത്തി സാമൂഹ്യക്ഷേമ സഹകരണ സംഘം ചീഫ് പ്രൊമോട്ടർ പി.ഡി. രമേശൻ, മുൻ ഗ്രാമപഞ്ചായത്ത് പ്രസിഡന്റ് കെ.എ ജോഷി, കർഷകസംഘം മുളന്തുരുത്തി വില്ലേജ് പ്രസിഡന്റ് എബി പാലാൽ, ബാങ്ക് ഡയറക്ടർ ബോർഡ് മെമ്പർമാരായ സി.ജെ ജോയി, ബീന മുകുന്ദൻ, ബാങ്ക് അഗ്രിക്കൾച്ചറൽ ഓഫീസർ അമിത ഷോബി, മാത്യു ഓലിക്കൽ, ബ്രാഞ്ച് മാനേജർ സിജു പി.എസ് എന്നിവർ സംസാരിച്ചു. ബാങ്ക് വൈസ് പ്രസിഡന്റ് എൻ.എൻ സോമരാജൻ സ്വാഗതവും ബാങ്ക് സെക്രട്ടറി ഷേർലി കുര്യാക്കോസ് കൃതജ്ഞതയും പറഞ്ഞു.