കാലടി: കവിത വിലയിരുത്താനുള്ളതല്ലെന്നും ഏത് കവിതയും എന്തെങ്കിലും മുദ്ര പതിപ്പിച്ചുകൊണ്ടാണ് കടന്നു പോകുന്നതെന്നും കവി പി. രാമൻ പറഞ്ഞു. ശങ്കരാചാര്യ സംസ്കൃത സർവ്വകലാശാലയിലെ മലയാള വിഭാഗത്തിന്റെ ആഭിമുഖ്യത്തിൽ കാലടി മുഖ്യ കാമ്പസിൽ സംഘടിപ്പിച്ച നെല്ലിക്കൽ മുരളീധരൻ അനുസ്‍മരണ സെമിനാറിൽ കാവ്യഭാഷ തീരങ്ങളും തിരകളും എന്ന വിഷയത്തിൽ സംസാരിക്കുകയായിരുന്നു അദ്ദേഹം. ഡോ. ലിസി മാത്യു അദ്ധ്യക്ഷയായി. ഡോ. നിനിത ആർ, ലക്ഷ്മി ശിവൻ എന്നിവർ പ്രസംഗിച്ചു.