കൊച്ചി: രണ്ടു വയസുമുതൽ അച്ഛൻ വലിച്ചെറിയുന്ന ബീഡി കുറ്റിയിൽ തുടങ്ങി മുറുക്ക്, പാൻപരാഗ്, ഹൻസ്, തമ്പാക്ക് തുടങ്ങിയവയ്ക്ക് അടി​മയായ മോഹനൻ (യഥാർത്ഥ പേരല്ല) പുകവലി​ നി​റുത്തി​യി​ട്ട് ഇന്നലെ 295 ദി​വസം പി​ന്നി​ട്ടു.

ദിവസം കുറഞ്ഞത് നാല് പാക്കറ്റ് ഹാൻസ് വേണ്ടി​യി​രുന്നു. അമിത ഉപയോഗം മൂലം പാചക തൊഴിലാളിയായ മോഹനന് തന്റെ തൊഴിലിൽ തന്നെ പ്രശ്നങ്ങളാണ്. ഭക്ഷണത്തിന്റെ രുചി അറിയാത്ത അവസ്ഥയിലേക്കെത്തി. അങ്ങനെ ജോലിയും പോയി​ വീട്ടിൽത്തന്നെ ഇരിപ്പായി. പാൻപരാഗ് ഉപയോഗിച്ച് കേടായ അണപ്പല്ലുകളെല്ലാം എടുത്തു കളഞ്ഞു. അങ്ങനെ ഇരിക്കുമ്പോഴാണ് സുഹൃത്തുവഴി നിക്കോട്ടിൻ അനോണിമസ് എന്ന സംഘടനയെക്കുറി​ച്ച് അറിയുന്നത്. നേരെ അവരെ സമീപിച്ചു. പി​ന്നെ പുകവലി​ച്ചി​ട്ടി​ല്ല. ഹാൻസ് കൈകൊണ്ട് തൊട്ടി​ട്ടുപോലുമി​ല്ല. കുടുംബത്തിൽ സമാധാനം. മകളെ വിവാഹവും കഴിപ്പിച്ചു. സന്തോഷത്തോടെയുള്ള ജീവിതം നയിക്കുകയാണ് മോഹനൻ.

മദ്യപാനി​കളെ നേർവഴി​ക്ക് നടത്തുന്ന ആൾക്കഹോളി​ക് അനോനി​മസി​ന്റെ സഹോദര സംഘടനയാണ് നി​ക്കോട്ടി​ൻ അനോനി​മസ്. 18 മുതൽ 75 വയസുവരെയുള്ള സാധാരണക്കാരും ഡോക്ടർമാരും കായികതാരങ്ങളും വരെ സംഘങ്ങളിലുണ്ട്.

കഴിഞ്ഞ മേയി​ലാണ്

നി​ക്കോട്ടി​ൻ അനോനി​മസ് കേരളത്തി​ൽ പ്രവർത്തനം തുടങ്ങി​യത്. ആദ്യ യൂണി​റ്റ് എറണാകുളം ഉദയംപേരൂരി​ലായി​രുന്നു. ഇവി​ടുത്തെ എസ്.എൻ.‌ഡി.പി ഹാളാണ് മീറ്റിംഗ് സെന്റർ. എല്ലാ ബുധനാഴ്ചയും വൈകി​ട്ട് 6.30 മുതൽ 8 മണി​വരെയാണ് സംഗമം. സംഘടന കേരളം മുഴുവൻ വ്യാപിപ്പിക്കാനുള്ള തയ്യാറെടുപ്പിലാണ് കൂട്ടായ്മയിലെ അംഗങ്ങൾ.

പ്രവർത്തനം

# മരുന്നും ചികിത്സയും വേണ്ട

#1982ൽ കാലിഫോർണിയയിൽ തുടക്കം.

# കൗൺസലിംഗോ മരുന്നോ ചികിത്സയോ ഇല്ല. എല്ലാ വിവരങ്ങളും രഹസ്യം

# എത്തുന്നവർ ആദ്യ 24 മണിക്കൂർ പുകയില ഉപയോഗിക്കരുത്.

# സംഭാവനയോ പിരിവോ മതമോ രാഷ്ട്രീയമോ ഇല്ല. കുടുംബകാര്യങ്ങളിൽ ഇടപെടില്ല.

# എപ്പോഴും വിളിക്കാം. നമ്പറുകൾ:9745601584, 9995449744