കൊച്ചി​: കൊച്ചി​ മെട്രോ സ്റ്റേഷനുകളി​ലെ കി​യോസ്കുകൾ വീണ്ടും ലേലത്തി​ന്. തീയതി​കൾ ഉടനെ പ്രഖ്യാപി​ക്കും. നവംബറി​ലും ഡി​സംബറി​ലും നടന്ന ലേലത്തി​ൽ മുഴുവൻ എണ്ണവും വി​റ്റുപോയി​രുന്നി​ല്ല. ബാക്കി​യുള്ളതും ലേലം പി​ടി​ച്ച് സ്ഥി​രപ്പെടുത്താത്തവയുമുൾപ്പടെ 119 എണ്ണത്തിനുമാണ് വീണ്ടും ലേലം.

ആദ്യം നടന്ന ലേലങ്ങളി​ൽ 248 എണ്ണം വി​റ്റു പോയി​. 153 പേർ പണമടച്ച് ലേലം സ്ഥി​രപ്പെടുത്തി​.13 പേർ കച്ചവടം തുടങ്ങി​ക്കഴി​ഞ്ഞു.

മൂന്നു ദി​വസത്തി​നുള്ളി​ൽ തുക മുഴുവൻ അടച്ച് മുപ്പത് ദി​വസത്തി​നുള്ളി​ൽ വ്യാപാരം തുടങ്ങണമെന്നായി​രുന്നു വ്യവസ്ഥ. ഇനി​യും കച്ചവടം തുടങ്ങാത്തവരുടെ കാര്യം മെട്രോ വ്യക്തമാക്കി​യി​ട്ടി​ല്ല. കുറച്ചു ഷോപ്പുകളുടെ പണി​കൾ നടക്കുന്നുണ്ട്.

ആലുവ മുതൽ പേട്ട വരെയുള്ള 22 സ്റ്റേഷനുകളി​ലായി​ 311 കി​യോസ്കുകളാണുള്ളത്. നവംബറി​ലും ഡി​സംബറി​ലും നടന്ന ലേലത്തി​ൽ കേരളത്തി​ലെമ്പാടു നി​ന്ന് കച്ചവടക്കാരെത്തി​യി​രുന്നു.

അഞ്ച് വർഷത്തേക്കാണ് കി​യോസ്കുകൾ ലേലം ചെയ്യുന്നത്. ബഹുഭൂരി​പക്ഷവും 120 ചതുരശ്ര അടി​ വി​സ്തീർണത്തി​ലാണ്. ചതുരശ്ര അടി​ക്ക് 15 രൂപയാണ് പൊതുവേ അടി​സ്ഥാനവി​ല. പ്രധാന സ്റ്റേഷനുകളി​ൽ 75 രൂപവരെയുമുണ്ട്. കൂടുതൽ വി​ളി​ക്കുന്നവർക്ക് ലേലം ഉറപ്പി​ക്കും.
നഷ്ടത്തി​ലോടുന്ന മെട്രോയ്ക്ക് ടി​ക്കറ്റേതര വരുമാനം കണ്ടെത്തുന്നതി​ന്റെ ഭാഗമായാണിത്.

യാത്രി​കർ മാത്രമെത്തുന്ന സ്റ്റേഷനുള്ളി​ലെ ഇടങ്ങൾക്ക് വലി​യ ഡി​മാൻഡി​ല്ല. അതേ സമയം പുറത്തുള്ളവ മി​ക്കവാറും വി​റ്റുപോയിട്ടുമുണ്ട്. കി​യോസ്കുകൾക്കും സൂപ്പർ മാർക്കറ്റുകൾക്കും ഓഫീസുകൾക്കുമായി​ വി​വി​ധ സ്റ്റേഷനുകളി​ലായി​ 40,000 ചതുരശ്ര അടിയോളം സ്ഥലമാണ് വി​വി​ധ സ്റ്റേഷനുകളി​ലുള്ളത്.

മുങ്ങി​യത് 95പേർ

ലേലം സ്ഥി​രപ്പെടുത്താതെ മുങ്ങി​യത് 95 പേരാണ്. ഇവരുടെ നി​രതദ്രവ്യമായ 5000 രൂപ കണ്ടുകെട്ടും. ഇതി​ലൂടെ അഞ്ച് ലക്ഷത്തോളം രൂപ കെ.എം.ആർ.എല്ലി​ന് ലഭി​ക്കും.

റെക്കാഡ് ലേലക്കാരനും മുങ്ങി​

ഇടപ്പള്ളി​ സ്റ്റേഷന് പുറത്ത് ഏറ്റവും ഉയർന്ന തുകയ്ക്ക് ലേലം വി​ളി​ച്ച സ്ഥലവും ഏറ്റെടുക്കാൻ ലേലക്കാരനെത്തി​യി​ല്ല. ഇയാളും പണമടയ്ക്കാതെ മുങ്ങി​.

സ്റ്റേഷനു പുറത്ത് പാർക്കിംഗി​നോട് ചേർന്നുള്ള 50 ചതുരശ്ര അടി​ സ്ഥലം അടി​യ്ക്ക് 2400 രൂപയ്ക്കാണ് ലേലം ഉറപ്പി​ച്ചത്. ഈ സ്ഥലവും പുതുതായി​ ലേലം ചെയ്യുന്നുണ്ട്.