പറവൂർ: കിഴക്കേപ്രം പാലാരി ഭഗവതി ക്ഷേത്രത്തിൽ മഹോത്സവത്തിന് ഇന്ന് രാത്രി എട്ടിന് ക്ഷേത്രം തന്ത്രി വേഴപ്പറമ്പ് ദാമോദരൻ നമ്പൂതിരിപ്പാടിന്റെ മുഖ്യകാർമ്മികത്വത്തിൽ കൊടിയേറും. വൈകിട്ട് അഞ്ചിന് അക്ഷരശ്ളോകസദസ്സും രാത്രി 8.30 ന് നൃത്തനൃത്യങ്ങളും നടക്കും. 15ന് രാവിലെ ആറിന് പുരാണപാരായണം, ഒമ്പതിന് ആയില്യംപൂജ, 16ന് രാത്രി എട്ടിന് താലംവരവേൽപ്പ്, 17ന് വൈകിട്ട് 6.30 ന് ഭക്തിഗാനമേള, 18ന് വൈകിട്ട് 7.30 ന് തിരുവാതിരക്കളി, 19ന് താലംവരവേൽപ്പ്, വലിയവിളക്ക് മഹോത്സവദിനമായ 20ന് രാവിലെ എട്ടിന് ശ്രീബലിഎഴുന്നള്ളിപ്പ്, നാദസ്വരം, ചെണ്ടമേളം, വൈകിട്ട് അഞ്ചിന് കാഴ്ചശ്രീബലി, രാത്രി പത്തിന് വിളക്കിനെഴുന്നള്ളിപ്പ്. ആറാട്ട് മഹോത്സവദിനമായ 21ന് രാവിലെ ഒമ്പതിന് നാരായണീയ പാരായണം. ഉച്ചക്ക് 12.30 ന് ആറാട്ട്സദ്യ, വൈകിട്ട് ആറരക്ക് കൊടിയിറക്ക്, തുടർന്ന് കൊടിക്കൽപറ, ആറാട്ട്പുറപ്പാട്, രാത്രി പത്തിന് ആറാട്ട്‌വരവ്.