കോതമംഗലം: എസ്.എൻ.ഡി.പി യോഗം കറുകടം ശാഖയുടെ വാർഷിക പൊതുയോഗവും ഭരണസമിതി തിരഞ്ഞെടുപ്പും ശാഖാഹാളിൽ യൂണിയൻ സെക്രട്ടറി പി.എ. സോമൻ ഉദ്ഘാടനം ചെയ്തു. യൂണിയൻ പ്രസിഡന്റ് അജി നാരായണൻ അദ്ധ്യക്ഷത വഹിച്ചു. ഭാരവാഹികളായി കെ.എൻ. കുട്ടപ്പൻ (പ്രസിഡന്റ്), സി.വി. ജയദേവൻ (വൈസ് പ്രസിഡന്റ്), ഇ.കെ. സുഭാഷ് (സെക്രട്ടറി), എ.കെ. മോഹനൻ (യൂണിയൻ കമ്മിറ്റി) തുടങ്ങിയവരുടെ നേതൃത്വത്തിലുള്ള 11 അംഗ കമ്മിറ്റിയെ തിരഞ്ഞെടുത്തു. യോഗം ബോർഡ് അംഗം സജീവ് പാറയ്ക്കൽ, യൂണിയൻ യൂത്ത് മൂവ്മെന്റ് പ്രസിഡന്റ് എം.ബി. തിലകൻ, ശാഖാ പ്രസിഡന്റ് കെ.എൻ. കുട്ടപ്പൻ, വൈസ് പ്രസിഡന്റ് സി.വി. ജയദേവൻ, സെക്രട്ടറി ഇ.കെ. സുഭാഷ് തുടങ്ങിയവർ പ്രസംഗിച്ചു.