കോതമംഗലം: നിരാലംബരായ മനുഷ്യരെ ചേർത്തുപിടിച്ച് ജീവിതത്തിലേക്ക് തിരികെ എത്തിക്കുന്ന പീസ്‌‌വാലിയുടെ ശൈലി മാനവികതയുടെ ഉദാത്തമായ മാതൃകയാണെന്ന് മന്ത്രി പി. രാജീവ്‌ പറഞ്ഞു. നട്ടെല്ലിന് പരിക്കേറ്റവർക്കുള്ള ചികിത്സാകേന്ദ്രത്തിന് പ്രവാസി വ്യവസായി സമീർ പൂക്കുഴി പീസ്‌വാലിക്ക് നിർമിച്ചുനൽകിയ പത്ത് മുറികളുടെ സമർപ്പണവും ചികിത്സയിലൂടെ സ്വയംപര്യാപ്തരായ ഭിന്നശേഷിക്കർക്കുള്ള നാല് ഓട്ടോറിക്ഷകളുടെ കൈമാറ്റവും ഉദ്ഘാടനം ചെയ്യുകയായിരുന്നു അദ്ദേഹം. ആന്റണി ജോൺ എം.എൽ.എ, പീസ്‌വാലി ചെയർമാൻ പി.എം. അബൂബക്കർ, നവാസ് മീരാൻ, നൂർ മുഹമ്മദ്‌ സേട്ട്, സമീർ പൂക്കുഴി, ഷാഫി മേത്തർ, സജീവ് മേക്കാലടി,
ആർ. അനിൽകുമാർ, കെ.എ. ജോയ്, അഡ്വ. എൻ.സി. മോഹനൻ, റഷീദ സലിം, കെ.എ. ഷമീർ, എം.എം. ഷംസുദ്ദീൻ എന്നിവർ സന്നിഹിതരായിരുന്നു.