മരട്: കുടുംബശ്രീ, സി.ഡി.എസ് ബാലസഭ കുട്ടികൾക്ക് ഫുട്ബോൾ പരിശീലന പരിപാടിയും ജേഴ്സിയും ബുട്ടും വിതരണവും നടന്നു. മരട് മാങ്കായിൽ സ്കൂൾ ഗ്രൗണ്ടിൽ നടന്ന ചടങ്ങ് മരട് നഗരസഭാ ചെയർമാൻ ആന്റണി ആശാൻപറമ്പിൽ ഉദ്ഘാടനം ചെയ്തു. സി.ഡി.എസ് ഈസ്റ്റ് ചെയർപേഴ്സൺ അനില സന്തോഷ് അദ്ധ്യക്ഷയായി. വെസ്റ്റ് ചെയർപേഴ്സൺ ജിഷ വിമൽ, സ്ഥിരം സമിതി ചെയർമാൻമാരായ മിനി ഷാജി, ബെൻഷാദ് നടുവിലവീട്, ടി.എസ്. ചന്ദ്രകലാധരൻ, കൗൺസിലർമാരായ ബേബി പോൾ, രേണുക ശിവദാസൻ, പത്മപ്രിയ, ഷീജ സാൻകുമാർ, ഉഷ സഹദേവൻ, കോച്ച് കെ. രവീന്ദ്രൻ, ജോഗോ ബൊനിറ്റോ ഫുട്ബോൾ പ്രമോഷൻ കോച്ച് മനോജ്, ബാലസഭാ ആർ.പി സംഗീത അജിത്ത് എന്നിവർ സംസാരിച്ചു.