മരട്: നെട്ടൂർ - മാടവന ശ്രീനാരായണ സേവാസംഘം ഗോൾഡൻ ജൂബിലി സമ്മേളനം 20-ാം തീയതി രാവിലെ 10ന് സേവാസംഘം ഹാളിൽ നടക്കും. ഓംബുഡ്സ്മാൻ ജസ്റ്റിസ് പി.എസ്. ഗോപിനാഥൻ ഉദ്ഘാടനം ചെയ്യും. എറണാകുളം ശ്രീനാരായണ സേവാസംഘം പ്രസിഡന്റ് അഡ്വ. എൻ.ഡി. പ്രേമചന്ദ്രൻ മുഖ്യപ്രഭാഷണം നടത്തും. നെട്ടൂർ- മാടവന സേവാസംഘം പ്രസിഡന്റ് എം.എ. കമലാക്ഷൻ വൈദ്യർ അദ്ധ്യക്ഷനാകും. ബിസിനസ് മാനേജ്മെന്റിൽ ഡോക്ടറേറ്റ് കരസ്ഥമാക്കിയ ഡോ. സുധീർ ബാബു, കേരള അഡ്മിനിസ്ട്രേറ്റീവ് സർവ്വീസ് പരീക്ഷയിൽ ഉന്നത വിജയം കരസ്ഥമാക്കിയ കെ.പി. ദീപ്തി എന്നിവരെ കെ. ബാബു എം.എൽ.എ ആദരിക്കും. മുതിർന്ന അംഗവും സേവാസംഘം പ്രസിഡന്റുമായ എം.എ. കമലാക്ഷൻ വൈദ്യരെ എസ്.എൻ.ഡി.പി യോഗം കണയന്നൂർ യൂണിയൻ പ്രസിഡന്റ് മഹാരാജാ ശിവാനന്ദൻ ആദരിക്കും. 80 വയസുകഴിഞ്ഞ കുടുംബാംഗങ്ങളെ മരട് മുനിസിപ്പൽ ചെയർമാൻ ആന്റണി ആശാൻപറമ്പിൽ ആദരിക്കും.