കൊച്ചി: കേരള കേന്ദ്ര സർവകലാശാലാ സ്കൂൾ ഒഫ് ലീഗൽ സ്റ്റഡീസ് ഡീനായി ഡോ. ജയശങ്കർ കെ.ഐ നിയമിതനായി. മഹാരാഷ്ട്ര, ഗോവ, കേരളം സംസ്ഥാനങ്ങളിൽ രണ്ടു പതിറ്റാണ്ടിലധികം അദ്ധ്യാപന പരിചയമുള്ള ഡോ. ജയശങ്കർ കേന്ദ്ര സർവകലാശാലയുടെ തിരുവല്ല കാമ്പസിൽ നിയമപഠനവിഭാഗം മേധാവിയാണ്. വിവിധ സർവകലാശാലകളിൽ ബോർഡ് ഒഫ് സ്റ്റഡീസ് അംഗം, കേന്ദ്ര സർവകലാശാല അക്കാഡമിക് കൗൺസിൽ മെമ്പർ എന്നീ നിലകളിലും പ്രവർത്തിക്കുന്ന ഡോ. ജയശങ്കർ ദേശീയവും അന്തർദേശീയവുമായ നിരവധി സെമിനാറുകളിൽ പ്രബന്ധങ്ങൾ അവതരിപ്പിക്കുകയും പ്രസിദ്ധീകരിക്കുകയും ചെയ്തിട്ടുണ്ട്. വയനാട് അഞ്ചുകുന്ന് സ്വദേശി കെ.എൻ.കെ. വാര്യരുടെയും പി.വി. ഇന്ദിരയുടെയും മകനാണ്. ഭാര്യ: ചിത്ര ഇ.വി (എൻജിനിയർ) മക്കൾ: അരുൺ ജെ. ശങ്കർ (മെഡിക്കൽ വിദ്യാർത്ഥി ), നീരജ ജെ. ശങ്കർ (നിയമ വിദ്യാർത്ഥിനി).