കിഴക്കമ്പലം: കടമ്പ്രയാർ തോട് കൈയേ​റ്റവുമായി ബന്ധപ്പെട്ട് മേജർഇറിഗേഷൻ ഉദ്യോഗസ്ഥരുടെ നേതൃത്വത്തിൽ പരിശോധന നടത്തി. കിഴക്കമ്പലം പഞ്ചായത്തിന്റെ പരിധിയിലുള്ള പ്രദേശത്താണ് പരിശോധന നടത്തിയത്. പുറമ്പോക്കു കൈയേ​റ്റം നടന്നിട്ടുണ്ടോ എന്നു പരിശോധിക്കാൻ റവന്യൂ വകുപ്പിനോട് ആവശ്യപ്പെട്ടതായി ഉദ്യോഗസ്ഥർ അറിയിച്ചു. കടമ്പ്രയാർ തോട് കൈയേറി നടത്തിയ മുഴുവൻ അനധികൃത കൈയേ​റ്റങ്ങളും ഒഴിപ്പിച്ച് മുഴുവൻ കൈയേറ്റഭൂമിയും തിരിച്ചെടുക്കണമെന്ന് ആവശ്യപ്പെട്ട് കളമശേരി സ്വദേശി ഗിരീഷ്ബാബു നിയമസഭാ പരിസ്ഥിതി സമിതിക്ക് മുമ്പാകെ സമർപ്പിച്ച പരാതിയിലായിരുന്നു പരിശോധന.