കൊച്ചി: നമ്പർ 18 ഹോട്ടൽ പോക്‌സോ കേസിലെ മൂന്നാം പ്രതി അഞ്ജലി റിമ ദേവി​നെ ഇന്ന് പൊലീസ് വീണ്ടും ചോദ്യം ചെയ്യും. സംഭവ ദിവസം കൈവശമുണ്ടായിരുന്ന ഫോൺ ഹാജരാക്കാൻ ഇവരോട് ആവശ്യപ്പെട്ടി​ട്ടുണ്ട്.

കഴിഞ്ഞ ദിവസത്തെ ചോദ്യം ചെയ്യലി​ൽ അഞ്ജലി​ കുറ്റം നി​ഷേധി​ച്ചതിനെ തുടർന്നാണ് ഫോണുമായി ഇന്ന് ഹാജരാകാൻ ക്രൈംബ്രാഞ്ച് നോട്ടീസ് നൽകിയത്. നിർണായക വിവരങ്ങൾ ഫോണിൽ ഉണ്ടാകുമെന്നാണ് പ്രതീക്ഷ. ഹൈക്കോടതി​ അഞ്ജലിക്ക് മുൻകൂർ ജാമ്യം നൽകിയിരുന്നു.

കോഴിക്കോട് സ്വദേശികളായ അമ്മയും മകളുമാണ് നമ്പർ 18 ഹോട്ടലുടമ റോയ് വയലാട്ടിനെതിരെ പോക്‌സോ കേസ് നൽകിയത്. തന്നെയും മകളെയും ലഹരി പദാർത്ഥം കഴിക്കാൻ നിർബന്ധിച്ചു, ലൈംഗികമായി പീഡിപ്പിക്കാൻ ശ്രമിച്ചു, ദൃശ്യങ്ങൾ പകർത്തി തുടങ്ങി​യ കാര്യങ്ങളാണ് പരാതി​യി​ലുള്ളത്. അഞ്ജലിയാണ് ജോലി വാഗ്ദാനം ചെയ്ത് തങ്ങളെ കോഴി​ക്കോട്ട് നി​ന്ന് കൊച്ചി​യി​ൽ എത്തി​ച്ചതെന്നും ഇവർ പറയുന്നു.