പറവൂർ: സംസ്ഥാന സർക്കാരിന്റെ നൂറുദിന കർമ്മപരിപാടിയുടെ ഭാഗമായി വടക്കേക്കര സർവീസ് സഹകരണ ബാങ്ക് വിഷുവിന് വിഷരഹിത പച്ചക്കറി പദ്ധതിയുടെ ബാങ്ക് പുരയിടത്തിൽ പച്ചക്കറിത്തൈ നടീൽ ഉദ്ഘാടനം പറവൂർ ബ്ളോക്ക് പഞ്ചായത്ത് പ്രസിഡന്റ് സിംന സന്തോഷ് നിർവ്വഹിച്ചു. ബാങ്ക് പ്രസിഡന്റ് ആർ.കെ. സന്തോഷ് അദ്ധ്യക്ഷത വഹിച്ചു. വൈസ് പ്രസിഡന്റ് പി.വി. പുരുഷോത്തമൻ, ഭരണസമിതി അംഗങ്ങളായ എം.കെ. കുഞ്ഞപ്പൻ, പി.പി. വിനോദ്, ഷെറീന ബഷീർ, ആലിസ് ജോസി, എം.ബി. സുഭാഷ്, ലൈജു ജോസഫ്, സെക്രട്ടറി ടി.ജി. മിനി തുടങ്ങിയവർ പങ്കെടുത്തു.