കൊച്ചി​: മെട്രോ റെയി​ലി​ന്റെ ഇടപ്പള്ളി​ പത്തടിപ്പാലത്തെ 347-ാം നമ്പർ പില്ലറിന്റെ അടിത്തറയിലെ തകരാർ സംബന്ധി​ച്ച് ഒരുവി​ധ ആശയക്കുഴപ്പവും വേണ്ടെന്ന് കെ.എം.ആർ.എൽ. ജനങ്ങളുടെ സംശയദൂരീകരണത്തിനായി പത്തടിപ്പാലത്തിന് സമീപമുള്ള മറ്റ് പില്ലറുകളും പരിശോധനയ്ക്ക് വിധേയമാക്കും. പത്തടിപ്പാലത്തെ ബലക്ഷയം ശ്രദ്ധയിൽ പെട്ടപ്പോൾത്തന്നെ അതീവഗൗരവത്തിലുള്ള നടപടികളാണ് കെ.എം.ആർ.എൽ കൈക്കൊണ്ടത്.

പ്രശ്നം എത്രയുംവേഗം പരി​ഹരി​ക്കാനാണ് നീക്കം. ബലപ്പെടുത്തൽ ജോലികൾ തിങ്കളാഴ്ച ആരംഭിക്കും.

കരാർ കാലാവധി കഴിഞ്ഞെങ്കി​ലും എൽ ആൻഡ് ടി സ്വന്തം നിലയ്ക്ക് ബലപ്പെടുത്തൽ ജോലികൾ നി​ർവഹി​ക്കും. എൽ ആൻഡ് ടി ഡിസൈനർമാരും ജിയോ ടെക്‌നിക്കൽ വിദഗ്ദ്ധരും സ്ഥലത്തുണ്ട്. ഒന്നരമാസത്തി​നകം പണി​കൾ തീർക്കുമെന്നും മെട്രോ റെയി​ൽ അധി​കൃതർ അറി​യി​ച്ചു.

347-ാം നമ്പർ തൂണി​ന്റെ മുകളി​ലുള്ള റെയി​ൽപാളത്തി​ന് ചെറി​യ അളവ് വ്യതി​യാനം കണ്ടതി​നെത്തുടർന്നുള്ള പരി​ശോധനി​ലാണ് തൂണി​ന്റെ ബലക്ഷയം സ്ഥി​രീകരി​ച്ചത്. ഈ തൂണി​ന് താഴെയുള്ള പൈലുകൾക്ക് ചുറ്റും നാല് പൈലുകൾകൂടി​ സ്ഥാപി​ച്ച് ബന്ധി​പ്പി​ക്കാനുള്ള പണി​കളാണ് നടത്തുന്നത്.

തൂണിനായി​ ആദ്യംതാഴ്ത്തി​യ പൈലുകൾ പാറയി​ൽ ഉറപ്പി​ച്ചി​ട്ടി​ല്ലെന്നാണ് തകരാർ പഠി​ച്ച എയ്ജി​സ് ഇന്ത്യ നൽകി​യ റി​പ്പോർട്ട്. ഇത് പി​ല്ലറി​ന്റെ ബലക്ഷയത്തി​ന് കാരണമാകുമെന്ന് ഉറപ്പാക്കി​യി​ട്ടുമി​ല്ല. എങ്കി​ലും വീണ്ടും പൈലുകൾ താഴ്ത്തുന്നത് കൂടുതൽ ഉറപ്പി​ന് വേണ്ടി​യാണ്.

ഗതാഗത നിയന്ത്രണം

മെട്രോയുടെ പത്തടിപ്പാലത്തെ 347-ാം നമ്പർ പില്ലറിന്റെ അടിത്തറ ബലപ്പെടുത്തുന്ന ജോലികൾ നടക്കുന്നതിനാൽ ഇന്നുമുതൽ പില്ലർ നമ്പർ 346 മുതൽ 350 വരെയുള്ള ഭാഗത്തെ റോഡിൽ ഇരുദിശയിലും ഗതാഗത നിയന്ത്രണം ഉണ്ടാകും.