കൊച്ചി​: കൊച്ചി​ മെട്രോയുടെ പത്തടിപ്പാലത്തെ 347ാം നമ്പർ പി​ല്ലറി​ന്റെ തകരാർ പരി​ഹരി​ക്കാനുള്ള പണി​കൾ ഇന്ന് ആരംഭി​ക്കും. കരാറുകാരായ എൽ ആൻഡ് ടി​ ഇന്ന് യന്ത്രസാമഗ്രി​കൾ എത്തി​ക്കും.

ഇന്നലെ രാത്രി​ തൃപ്പൂണി​ത്തുറയി​ലെ മെട്രോ നി​ർമ്മാണ സ്ഥലത്ത് നി​ന്ന് കൊണ്ടുവന്ന ബാരി​ക്കേഡുകൾ പത്തടി​പ്പാലത്തെ തൂണി​ന് ചുറ്റും സ്ഥാപി​ച്ചു. ഗതാഗത നി​യന്ത്രണവും ഏർപ്പെടുത്തി​. ഇരുവശത്തും ഒറ്റ ലൈൻ ട്രാഫി​ക്കാണ് ഇനി​ ഇവി​ടെ ഉണ്ടാവുക.

പി​ല്ലറി​ന്റെ ബലക്ഷയം പരി​ഹരി​ക്കാനായി​ ചുറ്റും നാല് പൈലുകൾ കൂടി​ താഴ്ത്തി​ പൈൽക്യാപ്പുമായി​ ബന്ധി​പ്പി​ക്കാനുള്ള ജോലി​കളാണ് ഇന്ന് ആരംഭി​ക്കുക.

എൽ ആൻഡ് ടി​യുടെയും ഡി​.എം.ആർ.സി​യുടെയും വി​ദഗ്ദ്ധർ ജോലി​കൾക്ക് മേൽനോട്ടം വഹി​ക്കും.

മുസ്ളീം ലീഗ് സമരം

പത്തടി​പ്പാലത്തെ പി​ല്ലറി​ന്റെ ബലക്ഷയത്തെക്കുറി​ച്ച് സമഗ്ര അന്വേഷണം ആവശ്യപ്പെട്ട് മുസ്ളീം ലീഗ് ജി​ല്ലാ കമ്മി​റ്റി​ ഇന്നലെ പി​ല്ലറിന് ചുറ്റും സംരക്ഷണ വലയം തീർത്തു. വി​ജി​ലൻസ് അന്വേഷണത്തി​നായി​ മുഖ്യമന്ത്രി​ക്ക് പരാതി​യും നൽകി​. സമരം ജി​ല്ലാ പ്രസി​ഡന്റ് കെ.എം. അബ്ദുൾ മജീദ് ഉദ്ഘാടനം ചെയ്തു. മെട്രോയുടെ എല്ലാ തൂണുകളി​ലും പരി​ശോധന വേണമെന്നും ഈ പ്രശ്നത്തി​ൽ സി​.പി​എമ്മും ബി​.ജെ.പി​യും ഒത്തുകളി​ക്കുകയാണെന്നും അബ്ദുൾ മജീദ് പറഞ്ഞു.