കളമശേരി: ജീവനക്കാരുടെ പെൻഷൻ ബാദ്ധ്യത സർവകലാശാലകൾ ഏറ്റെടുക്കണമെന്ന സർക്കാർ ഉത്തരവ് പിൻവലിക്കണമെന്ന് സർവകലാശാല പെൻഷനേഴ്സ് ഫോറം കേരളയുടെ കുസാറ്റ് യൂണിറ്റ് രൂപീകരണ സമ്മേളനം പ്രമേയത്തിൽ ആവശ്യപ്പെട്ടു. പ്രോ വൈസ് ചാൻസലർ ഡോ.പി. ജി. ശങ്കരൻ സമ്മേളനം ഉദ്ഘാടനം ചെയ്തു. ഡോ. കെ.വി. പ്രമോദ് അദ്ധ്യക്ഷനായി.സംസ്ഥാന പ്രസിഡന്റ് ഡോ. എൻ. ചന്ദ്രമോഹനകുമാർ, സെക്രട്ടറി ഡോ.കെ. ഷറഫുദ്ദീൻ, കെ. മോഹനചന്ദ്രൻ, എ.എസ്. സിനേഷ് തുടങ്ങിയവർ സംസാരിച്ചു. ഭാരവാഹികളായി ഡോ.എസ്. ഹരികുമാർ (പ്രസിഡന്റ്), കെ. മോഹനചന്ദ്രൻ (വൈസ് പ്രസിഡന്റ്), എസ്. മോഹൻദാസ് (സെക്രട്ടറി), ഡോ.ബി കണ്ണൻ, ആർ .ശോഭനാദേവി (ജോയിന്റ് സെക്രട്ടറി), പി. കെ സുരേഷ് (ട്രഷറർ) എന്നിവരെ തിരഞ്ഞെടുത്തു.