കോതമംഗലം: മൂന്നാർ വനംഡിവിഷൻ - നേര്യമംഗലം വനംറേഞ്ചിന് കീഴിൽ ദ്രുതകർമസേന (ആർ.ആർ ടി) പ്രവർത്തനമാരംഭിച്ചു. ആന്റണി ജോൺ എം എൽ എ ഉദ്ഘാടനം നിർവ്വഹിച്ചു. മൂന്നാർ ഫോറസ്റ്റ് ഡിവിഷന് കീഴിൽ നിലവിൽ ഒരു ആർ.ആർ.ടി മാത്രമാണ് ഉണ്ടായിരുന്നത്. നേര്യമംഗലത്ത് വന്യമൃഗശല്യം രൂക്ഷമായതിനെത്തുടർന്നാണ് പുതിയ ദ്രുതകർമസേനക്ക് (ആർ.ആർ.ടി) രൂപം നൽകിയത്. പഞ്ചായത്ത് പ്രസിഡന്റ് സൈജന്റ് ചാക്കോ, ജില്ലാ പഞ്ചായത്ത് മെമ്പർ കെ.കെ. ദാനി, പഞ്ചായത്ത് വൈസ് പ്രസിഡന്റ് ജിംസിയ ബിജു, ബ്ലോക്ക് പഞ്ചായത്ത് മെമ്പർ പി.എം. കണ്ണൻ, മൂന്നാർ ഡിവിഷണൽ ഫോറസ്റ്റ് ഓഫീസർ രാജു കെ. ഫ്രാൻസിസ്, കോതമംഗലം ഫ്ലയിംഗ് സ്ക്വാഡ് ഡി.എഫ്.ഒ സാജു വർഗീസ്, പഞ്ചായത്ത് മെമ്പർമാരായ ഹരീഷ് രാജൻ, സന്ധ്യാ ജയ്സൺ എന്നിവർ സംസാരിച്ചു.