കാലടി: സ്വകാര്യബസ് പണിമുടക്കുമായി ബന്ധപ്പെട്ട് അങ്കമാലി മേഖലാ പ്രൈവറ്റ് ബസ് ഓപ്പറേറ്റേഴ്സ് അസോസിയേഷന്റെ നേതൃത്വത്തിൽ കാലടി ബസ് സ്റ്റാൻഡിൽ ബസുടമകൾ സായാഹ്നധർണ നടത്തി. ഐ.എൻ.ടി.യു.സി സംസ്ഥാന സെക്രട്ടറി പി.ടി. പോൾ ഉദ്ഘാടനം ചെയ്തു. അസോസിയേഷൻ പ്രസിഡന്റ് എ.പി. ജിബി അദ്ധ്യക്ഷത വഹിച്ചു. സെക്രട്ടറി ബി.ഒ. ഡേവിസ്, സംസ്ഥാനകമ്മിറ്റിഅംഗം ജോളി തോമസ്, സജി സെബാസ്റ്റ്യൻ, ജോജി.കെ.വി, ടി.വി. ഫ്രാൻസിസ് എന്നിവർ സംസാരിച്ചു.