കളമശേരി: ഉദ്യോഗമണ്ഡൽ കോൺട്രാക്റ്റ് വർക്കേഴ്സ് യൂണിയൻ ബി.എം.എസിന്റെ 45-ാം വാർഷിക സമ്മേളനം കളമശേരി മേഖലാ ഓഫീസിൽ ജില്ലാ സെക്രട്ടറി ധനീഷ് നീറിക്കോട് ഉദ്ഘാടനം ചെയ്തു. മേഖല പ്രസിഡന്റ് ടി.ആർ. മോഹനൻ അദ്ധ്യക്ഷത വഹിച്ചു. സൈക്കിൾ പോളോ ദേശീയ മത്സരത്തിൽ രണ്ടാം സ്ഥാനം നേടിയ കേരള ടീമിലെ അനഘ അനിലിനെ ചടങ്ങിൽ അനുമോദിച്ചു. മേഖലാ ഭാരവാഹികളായ കെ.എസ്. ഷിബു, പി.വി. ശ്രീവിജി, എ.ഡി. അനിൽകുമാർ, എച്ച്.വിനോദ് ,കെ.ശിവദാസ്, പി.ബി.മുരളി, പി.കെ.സുദർശൻ, സി.പി.സുജിത്ത്, ടി.ടി.ദീപു എന്നിവർ സംസാരിച്ചു.