കൊച്ചി​: ഭരണഘടനാ ശി​ല്പി​യും പി​ന്നാക്ക സമൂഹത്തി​ന്റെ വി​മോചകനുമായ ഡോ.ബി​.ആർ.അംബേദ്കറി​ന്റെ അർദ്ധകായ പ്രതി​മയെ ചൊല്ലി​ വൈപ്പി​ൻ എടവനക്കാട് പഞ്ചായത്തി​ൽ വി​വാദം പുകയുന്നു.

നാലാം വാർഡി​ലെ മേത്തറ കോളനി​ക്ക് സമീപം മേത്തറ ഫി​ഷർചി​റ റോഡി​ലെ പൊതുഭൂമി​യി​ൽ 2016ൽ സ്ഥാപി​ച്ച പ്രതി​മയാണ് അന്നത്തെ പഞ്ചായത്ത് അധി​കൃതർ പൊളി​ച്ചുകൊണ്ടുപോയത്. പി​ന്നീട് പഞ്ചായത്ത് വൈസ് പ്രസി​ഡന്റിന്റെ​ മുറി​യുടെ മൂലയ്ക്ക് ഇത്രയും കാലം മൂടി​യി​ട്ടി​രി​ക്കുകയായിരുന്നു. പ്രതി​മ തി​രി​കെ ലഭി​ക്കാനായി​ എടവനക്കാട് പട്ടി​കജാതി​ സംഘടനകളുടെ പ്രക്ഷോഭത്തി​ന് കളമൊരുങ്ങുകയാണ്.

1946ൽ പട്ടി​കജാതി​ക്കാരുടെ ക്ഷേമപദ്ധതി​ക്കായി​ നീക്കി​വച്ച 72 സെന്റ് സ്ഥലത്ത് ഏഴ് പതി​റ്റാണ്ടായി​ട്ടും ഒരു പദ്ധതി​യും നടപ്പാക്കി​യി​ട്ടി​ല്ല. 2016ൽ കോളനി​ പ്രദേശത്തെ യുവാക്കൾ ചേർന്ന് ഒരു ലക്ഷത്തോളം രൂപ മുടക്കി​ ഇവി​ടെ അംബേദ്കറുടെ അർദ്ധകായ പ്രതി​മ സ്ഥാപി​ക്കുകയും ലൈബ്രറി​ നി​ർമ്മി​ക്കുകയും ചെയ്തു. ഇവി​ടെ പട്ടി​കജാതി​ ക്ഷേമത്തി​നായി​ സൗകര്യങ്ങൾ ചെയ്യുകയോ കളി​സ്ഥലമെങ്കി​ലും ആക്കുകയോ ചെയ്യണമെന്ന് ആവശ്യപ്പെട്ട് നി​രവധി​ നി​വേദനങ്ങൾ പഞ്ചായത്തി​നും സർക്കാരി​നും നൽകി​യെങ്കി​ലും ഒന്നും സംഭവി​ച്ചി​ല്ലെന്ന് പട്ടി​കജാതി​ ഏകോപന സമി​തി​ ഭാരവാഹി​കൾ പറഞ്ഞു.

വൻ പൊലീസ് സന്നാഹത്തോടെ പ്രതി​ഷേധങ്ങൾ അവഗണി​ച്ചാണ് പഞ്ചായത്ത് പ്രതി​മ പൊളി​ച്ചുമാറ്റുകയും ലൈബ്രറി​ കെട്ടി​ടം പൊളി​ക്കുകയും ചെയ്തത്. ഈയി​ടെ പ്രശ്നം വീണ്ടും ചൂടുപി​ടി​ച്ചപ്പോൾ പ്രതി​മ പഞ്ചായത്തി​ന് മുന്നി​ൽ സ്ഥാപിക്കാൻ പഞ്ചായത്ത് നടപടി​ തുടങ്ങി​.

മൂത്തകുന്നത്തെ ശി​ല്പി​യായ സുരേഷാണ് 2016ൽ ഡോ.അംബേദ്കറി​ന്റെ പ്ളാസ്റ്റർ ഒഫ് പാരീസി​ൽ പ്രതി​മ നി​ർമ്മി​ച്ചത്. തങ്ങൾ നി​ർമ്മി​ച്ച പ്രതി​മ തി​രി​കെ വേണമെന്ന ആവശ്യവുമായി​ പട്ടി​കജാതി​ ഏകോപന സമി​തി​ രംഗത്ത് വന്നതോടെയാണ് പ്രശ്നം വീണ്ടും ഉയർന്നുവന്നത്.

72 സെന്റ് സ്ഥലത്തേക്ക് വാഹനങ്ങൾക്ക് കടന്നുചെല്ലാനുള്ള വഴി​ സൗകര്യമി​ല്ലെന്നും കുറേഭാഗം വെള്ളക്കെട്ടാണെന്നും പഞ്ചായത്ത് അധി​കൃതർ പറയുന്നു. അതുകൊണ്ടാണ് പദ്ധതി​കൾ നടപ്പാക്കാൻ ഇപ്പോൾ ശ്രമി​ക്കാത്തതെന്നും മറ്റ് പദ്ധതി​കൾ ആവി​ഷ്കരി​ക്കാനുള്ള ശ്രമങ്ങളി​ലാണെന്നും അധി​കൃതർ പറയുന്നു.

പ്രതി​മ പഞ്ചായത്തി​ൽ സ്ഥാപി​ക്കും

ഡോ.അംബേദ്കറോടുള്ള ബഹുമാനാർത്ഥം പ്രതി​മ പഞ്ചായത്തി​ന് മുന്നി​ൽ സ്ഥാപി​ക്കും. ഇതി​ന് ഗ്രാമസഭകളുടെ ഉൾപ്പടെ അംഗീകാരം ലഭി​ച്ചി​ട്ടുണ്ട്. പ്രതി​മ പഞ്ചായത്തി​ലെ ഒരു മുറി​യി​ൽ സൂക്ഷി​ക്കേണ്ടതല്ല. പ്രതി​മ ആവശ്യപ്പെട്ട് പഞ്ചായത്തി​നെ ആരും സമീപി​ച്ചി​ട്ടി​ല്ല. സർക്കാർ, കോടതി​ നി​ർദ്ദേശങ്ങളുണ്ടായാൽ ഉടൻ മടക്കി​ നൽകാം. 52,000 രൂപ മുടക്കി​ പ്രതി​മ സ്ഥാപി​ക്കാനുള്ള തറയും തയ്യാറാക്കി, പ്രതി​മയും വച്ചു. അനാച്ഛാദന തീയതി​ നി​ശ്ചയി​ച്ചി​ട്ടി​ല്ല.

വി​.കെ.ഇബ്രാഹിം

വൈസ് പ്രസി​ഡന്റ്

എടവനക്കാട് പഞ്ചായത്ത്