കൊ​ച്ചി​:​ ​കൊ​വി​ഡി​നു​ ​പി​ന്നാ​ലെ​ ​റ​ഷ്യ​-​ ​യു​ക്രെ​യി​ൻ​ ​യു​ദ്ധം​ ​മൂ​ർ​ച്ഛി​ച്ച​തോടെ ​ആ​ഗോ​ള​ത​ല​ത്തി​ൽ​ ​അ​ച്ച​ടി​മാ​ദ്ധ്യ​മ​ങ്ങ​ളെ​ ​പ്ര​തി​സ​ന്ധി​യി​ലാ​ക്കി​ ​ന്യൂ​സ്‌​പ്രി​ന്റ് ​ വി​ല​ ​വ​ർ​ദ്ധി​ച്ച​ത് ​ഇ​ര​ട്ടി​യി​ലേ​റെ.​ 2019​ൽ​ ​ട​ണ്ണി​ന് 450​ ​ഡോ​ള​റാ​യി​രു​ന്ന​ ​വി​ല​ ഈ വർഷം 950​ ​ഡോ​ള​റി​ലേ​ക്ക് ​ക​ത്തി​ക്ക​യ​റി.​ ​ഉ​ത്‌​പാ​ദ​ന​ത്തി​ലെ​ ​ഇ​ടി​വും​ ​വി​ത​ര​ണ​ശൃം​ഖ​ല​യി​ൽ​ ​വ​ന്ന​ ​ത​ട​സ്സ​വും​ ​കാ​ര​ണം​ ​വ​രും​നാ​ളു​ക​ളി​ലും​ ​വി​ല​ ​കു​തി​ക്കാ​നാ​ണ് ​സാ​ദ്ധ്യ​ത.
ഇ​ന്ത്യ​യി​ലേ​ക്കു​ള്ള​ ​പ​ത്ര​ക്ക​ട​ലാ​സി​ന്റെ​ 45​ ​ശ​ത​മാ​ന​വും​ ​ഇ​റ​ക്കു​മ​തി​ ​ചെ​യ്‌​തി​രു​ന്ന​ത് ​റ​ഷ്യ​യി​ൽ​ ​നി​ന്നാ​ണ്.​ ​യു​ദ്ധ​ത്തെ​ ​തു​ട​ർ​ന്ന് ​റ​ഷ്യ​യി​ലേ​ക്കും​ ​തി​രി​ച്ചു​മു​ള്ള​ ​ഇ​ട​പാ​ടു​ക​ൾ​ ​ഷി​പ്പിം​ഗ് ​ക​മ്പ​നി​ക​ൾ​ ​നി​റു​ത്തി​യ​ത് ​ഇ​റ​ക്കു​മ​തി​യെ​ ​സാ​ര​മാ​യി​ ​ബാ​ധി​ച്ചു.​ ​റ​ഷ്യ​ൻ​ ​ബാ​ങ്കു​ക​ളെ​ ​ആ​ഗോ​ള​ ​പ​ണ​മി​ട​പാ​ട് ​ശൃം​ഖ​ല​യാ​യ​ ​'​സ്വി​ഫ്‌​റ്റി​ൽ​'​ ​നി​ന്ന് ​പു​റ​ത്താ​ക്കി​യ​തും​ ​തി​രി​ച്ച​ടി​യാ​യി.​ ​ന്യൂ​സ്‌​പ്രി​ന്റ് ​നി​ർ​മ്മാ​ണ​ത്തി​ൽ​ 30​ ​ശ​ത​മാ​നം​ ​പ​ങ്കു​വ​ഹി​ക്കു​ന്ന​ ​പ്ര​കൃ​തി​വാ​ത​കം,​​​ ​ക​ൽ​ക്ക​രി​ ​എ​ന്നി​വ​യു​ടെ​ ​വി​ല​വ​ർ​ദ്ധ​ന​യും​ ​പ്ര​തി​സ​ന്ധി​ക്ക് ​ആ​ക്കം​കൂ​ട്ടി.
ഇ​ന്ത്യ​യി​ലേ​ക്കു​ള്ള​ ​പ​ത്ര​ക്ക​ട​ലാ​സി​ന്റെ​ 40​ ​ശ​ത​മാ​നം​ ​എ​ത്തു​ന്ന​ ​കാ​ന​ഡ​യി​ൽ​ ​കൊ​വി​ഡ് ​വാ​ക്‌​സി​ൻ​ ​നി​ർ​ബ​ന്ധ​മാ​ക്കി​യ​തി​നെ​തി​രാ​യ​ ​സ​മ​രം​ ​മൂ​ലം​ ​ഉ​ത്പാ​ദ​ന​വും​ ​വി​ത​ര​ണ​വും​ ​ത​ട​സ​പ്പെ​ട്ട​താ​ണ് ​ഇ​റ​ക്കു​മ​തി​യെ​ ​ബാ​ധി​ച്ച​ ​മ​റ്റൊ​രു​ ​ഘ​ട​കം.​ ​
ഇ​ന്ത്യ​യി​ലേ​ക്കു​ള്ള​ ​ഗ്ളോ​സി​ ​ന്യൂ​സ്‌​പ്രി​ന്റി​ന്റെ​ 60​ ​ശ​ത​മാ​ന​വും​ ​വ​ന്നി​രു​ന്ന​ത് ​ഫി​ൻ​ല​ൻ​ഡി​ൽ​ ​നി​ന്നാ​ണ്.​ ​ജ​നു​വ​രി​ ​മു​ത​ൽ​ ​ഫി​ൻ​ല​ൻ​ഡി​ലെ​ ​യു.​പി.​എം​ ​ക​മ്പ​നി​യി​ൽ​ ​തൊ​ഴി​ലാ​ളി​സ​മ​രം​ ​ന​ട​ക്കു​ന്ന​തി​നാ​ൽ​ ​അ​വി​ടെ​ ​നി​ന്നു​ള്ള​ ​വ​ര​വും​ ​നി​ല​ച്ചു.

വില മേലോട്ട്

ഇന്ത്യയിലേക്ക് കടൽമാർഗമുള്ള ചരക്കുനീക്ക ഫീസ് രണ്ടുവർഷത്തിനിടെ കൂടിയത് അഞ്ചുമടങ്ങോളം. ചൈനയിലെ പ്രധാന തുറമുഖമായ ഷെൻചെൻ കൊവിഡ് ലോക്ക്ഡൗണിൽപ്പെട്ടതിനാലും വടക്കൻ യൂറോപ്പിനെയും ചൈനയെയും ബന്ധിപ്പിക്കുന്ന റെയിൽപ്പാതയിൽ യുദ്ധം മൂലം തടസമുള്ളതിനാലും വരുംദിനങ്ങളിലും ഫീസ് കൂടും. ന്യൂസ്‌പ്രിന്റടക്കം മിക്ക ഇറക്കുമതി ഉത്‌പന്നങ്ങൾക്കും വില കൂടാൻ ഇതിടയാക്കും.

 ഇന്ത്യയിൽ ആഭ്യന്തര ന്യൂസ്‌പ്രിന്റ് ഉത്പാദനവും കുറഞ്ഞു

 ന്യൂസ്‌പ്രിന്റ് ഫാക്‌ടറികളിൽ മിക്കവയും ഇപ്പോൾ ശ്രദ്ധിക്കുന്നത് പാക്കേജിംഗ് ഉത്പന്നങ്ങളിൽ

 ന്യൂസ്‌പ്രിന്റ് ഉത്പാദിപ്പിക്കുന്നവയാകട്ടെ അസംസ്കൃത വസ്തുക്കളുടെ ക്ഷാമവും വിലക്കയറ്റവും കാരണം വലയുന്നു.

 പാഴ്ക്കടലാസ് സംസ്കരിച്ച് പത്രക്കടലാസ് നിർമ്മിക്കുന്നതും കുറഞ്ഞു

കൊവിഡിലെ തിരിച്ചടി

കൊവിഡും ലോക്ക്ഡൗണും മൂലം ഫാക്‌ടറികൾ അടഞ്ഞതും വിതരണശൃംഖല താളംതെറ്റിയതും ഉപഭോഗം കുറഞ്ഞതും ആഗോളതലത്തിൽ പത്രക്കടലാസ് ഉത്പാദനത്തെ ബാധിച്ചു.

ആഗോള ഉത്‌പാദനം

 2017 ൽ 23.8 മില്യൺ ടൺ

 2022 ൽ 13.6 മില്യൺ ടൺ.

50%

ദിനപത്രം അച്ചടിച്ച് പുറത്തിറക്കുന്നതിൽ 50 ശതമാനത്തോളം ചെലവും ന്യൂസ്‌പ്രിന്റ് വിലയാണ്. പത്രം അച്ചടിക്കാനുള്ള മഷി,​ അലുമിനിയം പ്ലേറ്റ് എന്നിവയ്ക്കും തീവിലയാണ്.

4 മാസം, വിലവർദ്ധന ₹23,000

കഴിഞ്ഞ നാലുമാസത്തിനിടെ മാത്രം പത്രക്കടലാസ് വിലയിലുണ്ടായ വർദ്ധന ടണ്ണിന് 23,000 രൂപ. അഞ്ചു ശതമാനം ജി.എസ്.ടി കൂടിച്ചേരുമ്പോൾ വിലവർദ്ധന 24,150​ ​രൂ​പ.​ ​​

കണക്ക് ഇങ്ങനെ: (വില ടണ്ണിന്)​

 ഡിസംബർ 14 : ₹50,​925

 ഫെബ്രുവരി 01 : ₹51,​975

 ഫെബ്രുവരി 21 : ₹54,​075

 മാർച്ച് 05 : ₹56,​175

 മാർച്ച് 15 : ₹58,​275

 മാർച്ച് 23 : ₹61,​425

 ഏപ്രിൽ 01 : ₹67,​​7255*

 ഏപ്രിൽ 05 : ₹75,075*

(*ഈ ദിവസങ്ങളിൽ നടപ്പാകുന്ന പുതിയ വില)​