കൊച്ചി: പുതുവൈപ്പിനിലെ ബീച്ചിലെ മാലിന്യങ്ങൾ കേരള ഹോട്ടൽ ആൻഡ് റെസ്റ്റോറന്റ് അസോസിയേഷൻ, ഭക്ഷ്യവിതരണ ആപ്പായ റെസോയ്, സ്റ്റെനം ഏഷ്യ എന്നിവയുടെ ആഭിമുഖ്യത്തിൽ ഇന്ന് നീക്കം ചെയ്യും. ജി.സി.ഡി.എ ചെയർമാൻ കെ. ചന്ദ്രൻപിള്ള ഉദ്ഘാടനം ചെയ്യും.

രാവിലെ 8 മുതൽ 11 വരെയുള്ള മാലിന്യമുക്ത പരിപാടിയിൽ 300 പ്രവർത്തകർ പങ്കെടുക്കും. നീക്കുന്ന മാലിന്യങ്ങൾ തരംതിരിച്ച് പുനരുപയോഗത്തിന് സ്റ്റെനം ഏഷ്യ നടപ്പാക്കുന്ന പദ്ധതിയുടെ ഭാഗമായാണിത്. പുതുവൈപ്പിന് പുറമെ, കോഴിക്കോട് കാപ്പാട്, കൊല്ലം ബീച്ചുകളിലെയും മാലിന്യങ്ങൾ നീക്കം ചെയ്യാനും പദ്ധതിയുണ്ടെന്ന് സംഘാടകർ അറിയിച്ചു.