അങ്കമാലി: എം.എസ്. ഗിരീഷ്‌കുമാറിന്റെ ഒന്നാം ചരമവാർഷിക ദിനാചരണം ഇന്ന് നടക്കും. അങ്കമാലി സർവീസ് കോ ഓപ്പറേറ്റീവ് ബാങ്കിന്റെ നേതൃത്വത്തിൽ ഇന്ന് വൈകിട്ട് 5ന് നായത്തോട് സ്കൂൾ ജംഗ്ഷനിൽ നടക്കുന്ന യോഗം

അഡ്വ. എം.എം. മോനായി ഉദ്ഘാടനം ചെയ്യും. ബാങ്ക് പ്രസിഡന്റ് ടി.ജി. ബേബി അദ്ധ്യക്ഷത വഹിക്കും. നഗരസഭ ചെയർമാൻ റെജി മാത്യു അനുസ്മരണ പ്രഭാഷണം നടത്തും. നഗരസഭ പ്രദേശത്തെ മുഴുവൻ ആശാവർക്കർമാരേയും മുൻ മന്ത്രി അഡ്വ. ജോസ് തെറ്റയിൽ മെമന്റൊ നൽകി ആദരിക്കും. മുൻ നഗരസഭ ചെയർമാൻ അഡ്വ. ഷിയോപോൾ, നഗരസഭ പ്രതിപക്ഷ നേതാവ് ടി.വൈ. ഏല്യാസ്, ബാങ്ക് ഡയറക്ടർ ബോർഡ് അംഗങ്ങൾ തുടങ്ങിയവർ പങ്കെടുക്കും.