പെരുമ്പാവൂർ: എസ്.എൻ.ഡി.പി.യോഗം 865 -ാം നമ്പർ കോടനാട് ശാഖയുടെ കീഴിലുള്ള ചെട്ടിനട ക്ഷേത്രത്തിലെ ശ്രീനാരായണ ഗുരുദേവന്റെ പഞ്ചലോഹവിഗ്രഹ പ്രതിഷ്ഠയുടെ മണ്ഡലകാലത്തിന്റെ സമാപന ആഘോഷങ്ങൾ കുന്നത്തുനാട് യൂണിയൻ അഡ്മിനിസ്‌ട്രേറ്റീവ് കമ്മിറ്റി ചെയർമാൻ കെ.കെ. കർണൻ ഉദ്ഘാടനം ചെയ്തു. പൂജകൾക്ക് ബ്രഹ്‌മചാരി ശിവൻ ചാലക്കുടി, ക്ഷേത്രം മേൽശാന്തി ബൈജു എന്നിവർ മുഖ്യകാർമ്മികത്വം വഹിച്ചു. കുന്നത്തുനാട് യൂണിയൻ കൺവീനർ സജിത് നാരായണന്റെ അദ്ധ്യക്ഷതയിൽ നടന്ന സമ്മേളനത്തിൽ ഗുരുദർശന രഘന (ചാലക്കുടി) മുഖ്യപ്രഭാഷണം നടത്തി. ശാഖാ പ്രസിഡന്റ് ടി.എൻ.രാജൻ, സെക്രട്ടറി കെ.എൻ. സാംബശിവൻ എന്നിവർ സംസാരിച്ചു.