കൊച്ചി: ബജാജിന്റെ ചുമലിലേറി ഇന്ത്യയിലെത്തി യുവാക്കൾക്കിടയിൽ അതിവേഗം തരംഗമായി മാറിയ ഓസ്‌ട്രിയൻ കമ്പനി കെ.ടി.എമ്മിന്റെ പുതിയ ആർസി 390 ഉടൻ വിപണിയിലെത്തും. കമ്പനിയുടെ വെബ്‌സൈറ്റിൽ പുത്തൻ മോഡൽ ഇടംപിടിച്ചിട്ടുണ്ട്.
നിലവിലെ ആർ.സി 390 പിൻവലിച്ചാണ്, പരിഷ്‌കരിച്ച പതിപ്പ് അവതരിപ്പിക്കുന്നത്. അത്യാകർഷക ലുക്ക്, ക്രമീകരിക്കാവുന്ന ഫ്രണ്ട് സസ്‌പെൻഷൻ, ബ്ളൂടൂത്തോട് കൂടിയ ഇൻസ്‌ട്രുമെന്റ് ക്ളസ്‌റ്റർ, 43.5 എച്ച്.പി കരുത്തുള്ള 373 സി.സി എൻജിൻ, ട്രാക്‌ഷൻ കൺട്രോൾ, എ.ബി.എസ് തുടങ്ങിയ മികവുകളുണ്ട്.
2.80 ലക്ഷം മുതൽ 2.85 ലക്ഷം രൂപവരെയാണ് പ്രതീക്ഷിക്കുന്ന എക്‌സ്‌ഷോറൂം വില.