തൊടുപുഴ: കേന്ദ്ര സർക്കാരിന്റെ എ.ഡി.ഐ.പി ക്ഷേമ പദ്ധതി (സ്‌ക്കീം ഫോർ അസിസ്റ്റൻസ് ടു ഡിസ്സെബിൾഡ് പേഴ്‌സൻസ് ഫോർ പർച്ചൈസ് ഫിറ്റിങ്ങ് സ് ഓഫ് എഡ്‌സ് ആന്റ് അപ്ലിയൻസസ്) പ്രകാരം അംഗപരിമിതർക്കായുള്ള വിവിധ സഹായ ഉപകരണ നിർണ്ണയത്തിനായി നാളെ മുതൽ ക്യാമ്പ് നടത്തുമെന്ന് ഡീൻ കുര്യാക്കോസ് എം.പി അറിയിച്ചു. തൊടുപുഴ, ഇളംദേശം ബ്ലോക്കുകൾക്കായി നാളെ മുട്ടം റൈഫിൾ ക്ലബ്ബിലും പീരുമേട്, അഴുത ബ്ലോക്കുകൾക്കായി വെള്ളിയാഴ്ച്ച പീരുമേട് എസ്.എംഎസ്. ഹാളിലും, അടിമാലി, ദേവികുളം ബ്ലോക്കുകൾക്കായി 7 ന് മൂന്നാർ പഞ്ചായത്ത് ഹാളിലും ഇടുക്കി, കട്ടപ്പന, നെടുംങ്കണ്ടം ബ്ലോക്കുകൾക്കായി 8 ന് ചെറുതോണി ടൗൺ ഹാളിലുമാണ് ക്യാമ്പ് സംഘടിപ്പിച്ചിരിക്കുന്നത്. ഡീൻ കുര്യാക്കോസ് എം.പി കേന്ദ്രസാമൂഹ്യനീതി മന്ത്രി ബീരേന്ദ്രകുമാറിനോട് പ്രത്യേകം അഭ്യർത്ഥിച്ചതനുസരിച്ചാണ് ഇടുക്കി ജില്ലയിലെ എല്ലാ ബ്‌ളോക്കുകളും കേന്ദ്രീകരിച്ച് അംഗപരിമിതരായ ഗുണഭോക്താക്കളെ കണ്ടെത്തി അവർക്ക് ആവശ്യമായ വിവിധ സഹായ ഉപകരണങ്ങൾ നൽകാൻ തീരുമാനമായത്. ജില്ലാ സാമൂഹ്യ നീതി വകുപ്പിന്റെയും അലിംകോ കമ്പിനിയുടെ യും നേതൃത്വത്തിലാണ് ക്യാമ്പുകൾ സംഘടപ്പിച്ചിരിക്കുന്നത്. സാമൂഹ്യ നീതി വകുപ്പ് ഓഫീസ് വഴിയും ബ്ലോക്ക് പഞ്ചായത്ത് വഴിയും മുൻകൂട്ടി പേര് രജിസ്റ്റർ ചെയ്തിട്ടുള്ളവരും അല്ലാത്തവരുമായ അംഗ പരിമിതർ ബന്ധപ്പെട്ട ക്യാമ്പുകളിലെത്തിച്ചേരണമെന്നും എം.പി. പറഞ്ഞു.