 'ഓറഞ്ചുമരങ്ങളുടെ വീട്' ഉദ്ഘാടനചിത്രം

തൊടുപുഴ: നഗരസഭയും തൊടുപുഴ ഫിലിം സൊസൈറ്റിയും സംയുക്തമായി കേരള ചലച്ചിത്ര അക്കാദമി, ഫിലിം സൊസൈറ്റീസ് ഫെഡറേഷൻ, ഫ്രെയിംസ്- സിനിമ & മീഡിയ സൊസൈറ്റി എന്നിവയുടെ സഹകരണത്തോടെ നടക്കുന്ന 16-ാമത് തൊടുപുഴ ഫിലിം ഫെസ്റ്റിവൽ ഇന്ന് മുതൽ 13 വരെ തൊടുപുഴ സിൽവർ ഹിൽസ് സിനിമാസിൽ നടക്കും. വൈകിട്ട് അഞ്ചിന് ഡീൻ കുര്യാക്കോസ് എം.പി ഫെസ്റ്റിവൽ ഉദ്ഘാടനം ചെയ്യും. നഗരസഭാ ചെയർമാൻ സനീഷ് ജോർജ് അദ്ധ്യക്ഷത വഹിക്കും. സംവിധായകൻ ഡോ. ബിജു മുഖ്യാതിഥിയാകും. പു.ക.സ ജില്ലാ സെക്രട്ടറി കെ. ജയചന്ദ്രൻ, തപസ്യ കലാസാഹിത്യവേദി ജില്ലാ പ്രസിഡന്റ് വി.കെ. സുധാകരൻ, ജവഹർ ബാൽമഞ്ച് ചെയർമാൻ കെ.വി. ബാബു എന്നിവർ പങ്കെടുക്കും. 100 രൂപ രജിസ്‌ട്രേഷൻ ഫീസ് നൽകിയാൽ എല്ലാ സിനിമകളും കാണാം. കൂടുതൽ വിവരങ്ങൾക്ക് 9447776524, 9447824923, 9447753482 എന്നീ നമ്പരുകളിൽ ബന്ധപ്പെടാം.

ഫെസ്റ്റിവലിലെ ഇന്നത്തെ ചിത്രങ്ങൾ

രാവിലെ 11- അമേരിക്കൻ റോഡ് മൂവി 'ലിറ്റിൽ മിസ് സൺഷൈൻ"

2.30- ജാപ്പനീസ് ചിത്രം 'വുഡ് ജോബ് "

5.45- മലയാളചിത്രം 'ഓറഞ്ചു മരങ്ങളുടെ വീട് "

8.30- ഫ്രഞ്ച് ജർമ്മൻ ചിത്രം 'വെൻ പിഗ്‌സ് ഹാവ് വിംഗ്‌സ്"