ഇടുക്കി: ഒന്നാം ഘട്ടം നിർമാണം പൂർത്തിയാക്കിയ കുടിവെള്ള പദ്ധതികളിലെ വിതരണ ശൃംഖല കിഫ്ബി ധനസഹായത്തോടെ പൂർത്തീകരിക്കാൻ 521.20 കോടി രൂപയുടെ ഭരണാനുമതി മന്ത്രിസഭാ യോഗം നൽകിയതായി മന്ത്രി റോഷി അഗസ്റ്റിൻ. ഇടുക്കി, കോഴിക്കോട്, കണ്ണൂർ, പാലക്കാട് ജില്ലകളിലെ കുടിവെള്ള വിതരണ പദ്ധതികൾക്കാണ് അനുമതി. ബഡ്ജറ്റ് പ്രസംഗത്തിൽ ഉൾപ്പെട്ടിട്ടില്ലാത്ത ഒന്നാം ഘട്ടം പൂർത്തിയായ കുടിവെള്ള പദ്ധതിയുടെ വിതരണ ശൃംഖല കിഫ്ബി മുഖേന നടപ്പിലാക്കുന്നതിനാണ് മന്ത്രിസഭ ഭരണാനുമതി നൽകിയിരിക്കുന്നത്. ഇടുക്കിയിൽ തൊടുപുഴ നഗരസഭയിലെ കുടിവെള്ള വിതരണത്തിനാണ് തുക അനുവദിച്ചിരിക്കുന്നത്.