വടകര: ടൈലറിംഗ് അറിയാവുന്ന 25 സ്ത്രീകൾക്ക് 21 ദിവസം നീണ്ടുനിൽക്കുന്ന ടൈലറിംഗ് വൈദഗ്ധ്യ പരിശീലനത്തിന് അഴിയൂരിൽ തുടക്കമായി. കുടുംബശ്രീ ജില്ലാ മിഷന്റെ അതിജീവനം പദ്ധതിയിൽ ഉൾപ്പെടുത്തിയാണ് സൗജന്യ പരിശീലനം നൽകുന്നത്. പരിശീലനം പൂർത്തിയാവുന്നതോടെ ടൈലറിംഗിലെ എല്ലാ നൂതന പ്രവർത്തനങ്ങളും സ്ത്രീകൾക്ക് സാധ്യമാവും. പരിശീലന പരിപാടി പഞ്ചായത്ത് പ്രസിഡന്റ് ആയിഷ ഉമ്മർ ഉദ്ഘാടനം ചെയ്തു. പഞ്ചായത്ത് സെക്രട്ടറി ടി ഷാഹുൽഹമീദ്, സി.ഡി.എസ് ചെയർപേഴ്സൺ ബിന്ദു ജയ്സൺ തുടങ്ങിയവർ സംസാരിച്ചു. കുടുംബശ്രീ ബ്ലോക്ക് കോഓർഡിനേറ്റർ ജി ദിവ്യ, കുടുംബശ്രീ ചെറുകിട സംരംഭക കൺസൾട്ടന്റ്മാരായ പി.ആർ അനിത, ഇ.സി ഗീത എന്നിവർ ക്ലാസുകൾക്ക് നേതൃത്വം നല്കി. പഞ്ചായത്ത് കോൺഫറൻസ് ഹാളിൽ നടക്കുന്ന പരിശീലനത്തിന് യാത്ര ബത്ത, ഭക്ഷണം എന്നിവ ലഭിക്കും. അഴിയൂർ പഞ്ചായത്തിനെ കൂടാതെ ചോറോട് ഒഞ്ചിയം എന്നീ പഞ്ചായത്തുകളിൽ നിന്നും പരിശീലനാർഥികൾ പങ്കെടുക്കുന്നുണ്ട്. ഫാഷൻ ഡിസൈനിംഗി ലും പരിശീലനം നൽകുന്നുണ്ട്.