കോഴിക്കോട് : കിഫ്ബി പദ്ധതിയിലുൾപ്പെടുത്തി മൂന്നുകോടി രൂപ അനുവദിച്ച നല്ലളം ഗവൺമെന്റ് ഹൈസ്‌കൂൾ കെട്ടിട നിർമ്മാണം ഉടൻ ആരംഭിക്കുമെന്ന് മന്ത്രി മുഹമ്മദ് റിയാസ്. കെട്ടിട നിർമാണ പ്രവൃത്തി അവലോകനം ചെയ്യുന്നതിനായി സ്‌കൂൾ സന്ദർശിച്ച മന്ത്രി നിർമ്മാണ ഏജൻസിയായ ഇൻകൽ പ്രതിനിധികൾ, ഹെഡ്മിസ്ട്രസ്, പി. ടി. എ പ്രതിനിധികൾ എന്നിവരുമായി ചർച്ച നടത്തി. കെട്ടിട നിർമ്മാണ പ്രവൃത്തി എത്രയും പെട്ടെന്ന് ആരംഭിക്കുന്നതിന് നിർദ്ദേശം നൽകിയതായി മന്ത്രി അറിയിച്ചു.
ഇൻകെൽ ചീഫ് എൻജി​നി​യർ വിനോദ് കുമാർ, കോർപറേഷൻ എ. ഇ.ഷീബ, പ്രൊജക്ട് എൻജി​നി​യർ ഷാനിത, കോർപ്പറേഷൻ കൗൺസിലർമാരായ റഫീന അൻവർ, മൈമൂന, ഹെഡ്മിസ്ട്രസ് ശ്രീലത, പി. ടി. എപ്രതിനിധികൾ എന്നിവർ പങ്കെടുത്തു.