കൽപ്പറ്റ: ജില്ലയിൽ ഇന്നലെ 28 പേർക്ക് കൂടി കൊവിഡ് സ്ഥിരീകരിച്ചു. 98 പേർ രോഗമുക്തി നേടി. എല്ലാവർക്കും സമ്പർക്കത്തിലൂടെയാണ് രോഗബാധ. ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 167573 ആയി. 166025 പേർ രോഗമുക്തരായി. നിലവിൽ 591 പേർ ചികിത്സയിലുണ്ട്. ഇവരിൽ 551 പേർ വീടുകളിലാണ് ഐസൊലേഷനിൽ കഴിയുന്നത്. 929 കൊവിഡ് മരണം ജില്ലയിൽ ഇതുവരെ സ്ഥിരീകരിച്ചു. പുതുതായി നിരീക്ഷണത്തിലായ 61 പേർ ഉൾപ്പെടെ ആകെ 591 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 207 സാമ്പിളുകൾ ഇന്നലെ പരിശോധനയ്ക്ക് അയച്ചു.