ഫറോക്ക് : കേന്ദ്രസർക്കാരിന്റെ ജനദ്രോഹ, തൊഴിലാളി വിരുദ്ധ നയങ്ങൾക്കെതിരെ മാർച്ച്‌ 28, 29 തീയതികളിൽ നടത്തുന്ന ദ്വിദിന ദേശീയ പണിമുടക്ക്‌ ബേപ്പൂർ​ ​മണ്ഡലത്തിൽ വിജയമാക്കാൻ ഒരുക്കങ്ങൾ പൂർത്തിയായതായി സംയുക്ത സമരസമിതി ബേപ്പൂർ നിയോജക മണ്ഡലം കമ്മിറ്റി ചെയർമാൻ സിദ്ധീഖ് വൈദ്യരങ്ങാടിയും കൺവീനർ എം സമീഷും അറിയിച്ചു.

.ജില്ലാ ഐക്യ ട്രേഡ് യൂണിയന്റെ വാഹന പ്രകരണ ജാഥയ്ക്ക് 18 ന് ഫറോക്കിലും രാമനാട്ടുകരയിലും സ്വീകരണമൊരുക്കും .21,22,23 തീയതികളിലായി സമരത്തിന്റെ പ്രചരണ ജാഥകളും 23,24,25 ന് ബസ് സ്റ്റാൻഡ്, റെയിൽവേ സ്റ്റേഷൻ എന്നിവിടങ്ങളിൽ പ്ര​ച​രണ കാമ്പയിനും ,25,26 ന് കടകളിലും വ്യവസായ​ ​സ്ഥാപനങ്ങളിലും കയറി പണിമുടക്ക് നോട്ടീസ് നൽകും . മാർച്ച് 26 ന് തൊഴിലാളികളുടെ വീടുകളിൽ സമരജ്വാല തെളിയിക്കും.25 മുതൽ 27 വരെ മണ്ഡലത്തിൽ പന്തംകൊളുത്തി പ്രകടനങ്ങൾ നടത്തും. പണിമുടക്ക് ദിവസം എല്ലാ കേന്ദ്രങ്ങളിലും കലാ പരിപാടികളും സംഘടിപ്പിക്കും

നാടക ശില്പശാല ഉദ്ഘാടനം

രാമനാട്ടുകര:​​ മലപ്പുറം ജില്ല ലൈബ്രറി കൗൺസിലിന്റെ ആഭിമുഖ്യത്തിൽ പാറമ്മൽ ഗ്രന്ഥാലയം ആൻഡ് വായനശാല യിൽ നടന്നുവരുന്ന 'ചൂട്ട്' ത്രിദിന നാടക പരിശീലന ശില്പശാല പ്രമുഖ നാടക കലാകാരൻ ബാബു പറശ്ശേരി ഉദ്ഘാടനം ചെയ്തു. ലൈബ്രറി കൗൺസിൽ ജില്ല പ്രസിഡന്റ് എ ശിവദാസൻ മുഖ്യാതിഥിയാ യി .ചെയർമാൻ എവി അനിൽ കുമാർ ആദ്ധ്യക്ഷത വഹിച്ചു. കെ കൃഷ്ണൻ ,താലൂക്ക് ലൈബ്രറി കൗൺസിൽ പ്രസിഡന്റ് വി അബ്ദുൾ ഹമീദ് ,സെക്രട്ടറി ടി മോഹൻ ദാസൻ ,ക്യാമ്പ് ഡയറക്ടർ ഗോപിനാഥ് കോഴിക്കോട് , കോ-ഓർഡിനേറ്റർ ഇ പി പവിത്രൻ , മോഹൻദാസ് കരംചന്ദ് , കൃഷ്ണകുമാർ കിഴിശ്ശേരി, മോഹനൻ കാരാ ട് ,എ രാധ ,പി സുബ്രഹ്മണ്യൻ എന്നിവർ സംസാരിച്ചു .