മുക്കം: സംസ്ഥാന ബജറ്റിൽ തിരുവമ്പാടി നിയോജകമണ്ഡലത്തിന് മുന്തിയ പരിഗണന ലഭിച്ചതായി ലിന്റോ ജോസഫ് എം.എൽ.എ പറഞ്ഞു. മലയോരത്തിന്റെ ആവശ്യങ്ങളധികവും ബഡ്‌ജറ്റിൽ പരിഗണിച്ചിട്ടുണ്ടെന്നും അദ്ദേഹം വ്യക്തമാക്കി. മുക്കം പാലം പുനർനിർമ്മാണത്തിന് 15 കോടി,പെരുമ്പൂള - നായാടംപൊയിൽ റോഡ് നവീകരണത്തിന് 10 കോടി, കണ്ടപ്പൻചാൽ - മുണ്ടൂർ - നെല്ലിപ്പൊയിൽ റോഡിന് 15 കോടി, തിരുവമ്പാടി ബൈപാസ് നിർമ്മാണത്തിന് 20 കോടി, ഓമശ്ശേരി - കോടഞ്ചേരി റോഡിന് 15 കോടി, ചിപ്പിലിത്തോട് - മരുതിലാവ്‌ - മേലേമരുതിലാവ് റോഡ് 10 കോടി, ഈങ്ങാപ്പുഴ - കാക്കവയൽ റോഡിന് 5 കോടി, താഴെ കൂടരഞ്ഞി - തേക്കുംകുറ്റി റോഡിന് 5 കോടി, മുക്കം സി.എച്ച്.സി കെട്ടിട നിർമ്മാണത്തിന് 10 കോടി, കോടഞ്ചേരി പൊലീസ് സ്‌റ്റേഷൻ കെട്ടിടത്തിന് 4 കോടി, തിരുവമ്പാടി ടൗൺ പരിഷ്‌കരണത്തിന് 4 കോടി, മുക്കം - കുറ്റിപ്പാല - മാമ്പറ്റ ബൈപാസ് പരിഷ്കരണത്തിന് 5 കോടി, മുക്കം മിനി സിവിൽ സ്‌റ്റേഷൻ കെട്ടിടം രണ്ടാംനില നിർമ്മാണത്തിന് 2 കോടി, കോട്ടമുഴി പാലത്തിന് 2 കോടി, അഗസ്ത്യൻമുഴി പാലത്തിന് 4 കോടി, കണ്ടപ്പൻചാൽ - മറിപ്പുഴ റോഡിന് 5 കോടി, വയനാട് ചുരം ഹാഗിംഗ് പ്ലാറ്റ് ഫോമിന് 2 കോടി, കക്കാടംപൊയിൽ ടൂറിസം വില്ലേജ് ആൻഡ് ഫ്‌ളവർ വാലിയ്ക്ക് 5 കോടി, അമ്പായത്തോട് - ഈരൂട് - കോടഞ്ചേരി റോഡും ഈരൂട് പാലവും - 15 കോടി എന്നിവയാണ് ടോക്കൺ പ്രൊവിഷനായി ബഡ്‌ജ‌റ്റിൽ ഉൾപ്പെടുത്തിയിട്ടുള്ളത്. ഇതോടൊപ്പം ബഡ്‌ജറ്റ് പ്രസംഗത്തിൽ പൊതുവായി നിർദ്ദേശിച്ച കോളേജുകളും ഐ.ടി.ഐ കേന്ദ്രീകരിച്ച് സ്‌കിൽ കോഴ്‌സ്-ഉൽപാദനം കേന്ദ്രം, മൂല്യവർദ്ധിത കാർഷിക മിഷൻ - അഗ്രി - ടെക് ഫെസിലിറ്റി കേന്ദ്രം, മിനി ഫുഡ് പാർക്ക്, കാർഷികോത്പന്ന സംഭരണത്തിന് കോൾഡ് ചെയിൻ ഫെസിലിറ്റി, സ്വകാര്യ വ്യവസായ പാർക്ക്, ബയോ ഡൈവേഴ്‌സിറ്റി ടൂറിസം സർക്യൂട്ട്, ടൂറിസം ഹബ് (25 എണ്ണത്തിൽ ഒന്ന്), ഗ്രാമീണ ടൂറിസം - ഒരു പഞ്ചായത്തിൽ ഒരു ഡെസ്റ്റിനേഷൻ, സഞ്ചരിക്കുന്ന റേഷൻകട, ഹരിത കാമ്പസ് (സോളാർ, മാലിന്യസംസ്‌കരണം, പച്ചക്കറി, പുഷ്പ കൃഷി), കോളേജ് ഹോസ്റ്റൽ, ഓരോ പഞ്ചായത്തിലും ഓരോ കളിസ്ഥലം,സ്മാർട്ട് വില്ലേജ് ഓഫീസ്, പ്രളയം ബാധിച്ച പാലങ്ങളുടെ പുനർനിർമ്മാണം തുടങ്ങിയ പദ്ധതികളും മണ്ഡലത്തിൽ നടപ്പാക്കും.