കോഴിക്കോട്: എസ്.എഫ്‌.ഐ കോഴിക്കോട് ജില്ലാ സമ്മേളനത്തിന് ഇന്ന് കാപ്പാട് തുടക്കമാകും. പൊതുസമ്മേളനം നടക്കുന്ന അഭിമന്യു നഗറിൽ ഇന്നലെ സ്വാഗതസംഘം വൈസ് ചെയർമാൻ ടി.കെ.ചന്ദ്രൻ പതാക ഉയർത്തി. പ്രതിനിധി സമ്മേളനം ഇന്ന് വൈകീട്ട് ഏഴിന് മദ്രാസ് ചീഫ് ജസ്റ്റിസ് കെ.ചന്ദ്രു ഉദ്ഘാടനം ചെയ്യും. ജില്ലാ സമ്മേളനത്തിന്റെ ഭാഗമായി 20,000 വിദ്യാർത്ഥികൾ അണിനിരക്കുന്ന റാലിയും പൊതു സമ്മേളനവും ഇന്ന് ഉച്ചയ്ക്ക് രണ്ടിന് ആരംഭിക്കും. പൊതുസമ്മേളനം എസ്.എഫ്‌.ഐ മുൻ അഖിലേന്ത്യാ പ്രസിഡന്റ് പി.കെ.ബിജു ഉദ്ഘാടനം ചെയ്യും. എസ്.എഫ്‌.ഐ അഖിലേന്ത്യാ പ്രസിഡന്റ് വി.പി.സാനു, സംസ്ഥാന സെക്രട്ടറി കെ.എം.സച്ചിൻ ദേവ് തുടങ്ങിയവർ പ്രസംഗിക്കും. സമ്മേളനം ഞായറാഴ്ച വരെ സമാപിക്കും.