കോഴിക്കോട്: തൃശൂർ റേഞ്ച് ഡി.ഐ.ജി ആയിരുന്ന എ.അക്ബറിനെ സിറ്റി പൊലീസ് കമ്മിഷണറായി നിയമിച്ചു. എ.വി.ജോർജ് വിരമിച്ച ഒഴിവിലാണ് നിയമനം. 2005 ബാച്ച് കേരള കേഡർ ഐ.പി.എസ് ഉദ്യോഗസ്ഥനാണ്. തലശേരി അഡീഷണൽ എസ്.പിയായിട്ടാണ് സേനയിലെത്തുന്നത്. നെയ്യാറ്റിൻകര എ.എസ്.പി, പൊലീസ് ഹെഡ് ക്വാർട്ടേഴ്‌സ് എസ്.പി, ആലപ്പുഴ എസ്.പി, കോട്ടയം എസ്‌.പി, തിരുവനന്തപുരം റൂറൽ എസ്.പി, ക്രൈംബ്രാഞ്ച് എസ്.പി, ഇന്റലിജൻസ് സെക്യൂരിറ്റി എസ്.പി, ഇന്റലിജൻസ് ഡി.ഐ.ജി എന്നീ നിലകളിലും പ്രവർത്തിച്ചിരുന്നു.