വൈക്കം : നഗരസഭാ ശ്മശാനം ഇടവേളയില്ലാതെ പ്രവർത്തിക്കുന്നതിന് സംവിധാനം ഏർപ്പെടുത്തിയതായി അധികൃതർ അറിയിച്ചു. തകരാർ പരിഹരിച്ച് കർശന വ്യവസ്ഥകളോടെയാണ് തുറന്നു പ്രവർത്തിക്കുന്നത്. ശ്മശാനത്തിന്റെ ബർണർ, ബ്ലോവർ,പ്യൂരിഫിക്കേഷൻ ടാങ്ക്, ബെഡ്,പാനൽ ബോർഡ് എന്നിവ പൂർണമായും മാ​റ്റി. ആറ് മാസത്തേക്ക് ശ്മശാനം നന്നാക്കിയ ഹൈടെക് ക്രിമിറ്റോറിയം പ്രൈവ​റ്റ് ലിമി​റ്റഡ് കമ്പനിയിൽ നിന്നും ഗ്യാരണ്ടിയും വ്യവസ്ഥ ചെയ്തിട്ടുണ്ട്. അതിനുശേഷം അനുവൽ മെയിന്റനൻസ് കോൺട്രാക്ട് നിലവിൽ വരും. അതിനായി കൗൺസിൽ റിവിഷൻ പ്രോജക്ടിൽ അംഗീകാരം നൽകി. അടിയന്തരമായി കൂടിയ ആരോഗ്യ സ്റ്റാൻഡിംഗ് കമ്മി​റ്റി ക്രിമി​റ്റോറിയം ഉടൻതന്നെ തുറന്നുപ്രവർത്തിപ്പിക്കുന്നതിനും തുടർന്ന് നടത്തിപ്പ് കരാർ നൽകാനും സമയപരിധി ഇല്ലാതെ കൂടുതൽ മൃദേഹങ്ങൾ സംസ്‌കരിക്കാനും കൗൺസിലിലേക്ക് ശുപാർശ ചെയ്തു.