വൈക്കം : വല്യാറമ്പറത്ത് മണമേൽക്കടവ് റോഡ് ബിഎംബി സി നിലവാരത്തിൽ പുനർനിർമ്മിക്കണമെന്ന് സി.പി.ഐ മറവൻതുരുത്ത് ബ്രാഞ്ച് സമ്മേളനം ആവശ്യപ്പെട്ടു .മറവൻതുരുത്ത് പഞ്ചായത്തിലെ 5, 10, 9 വാർഡുകളിലൂടെ കടന്നുപോകുന്ന പ്രധാനപ്പെട്ട റോഡാണിത്. നിലവിൽ 12 മീ​റ്റർ വീതിയിലുള്ള റോഡിലൂടെ തലയോലപറമ്പിലേക്ക് എളുപ്പത്തിൽ എത്തിച്ചേരാനാവും .സമ്മേളനം ജില്ലാ പഞ്ചായത്ത് ആരോഗ്യ സ്റ്റാൻഡിംഗ് കമ്മ​റ്റി ചെയർപേഴ്‌സൺ പി.എസ് പുഷ്പമണി ഉദ്ഘാടനം ചെയ്തു. സി.പി.ഐ തലയോലപറമ്പ് മണ്ഡലം സെക്രട്ടറി ജോൺ വി ജോസഫ്, മനു സിദ്ധാർത്ഥൻ, ബി.രാജേന്ദ്രൻ, പി.എസ്. സുരേഷ് ബാബു, വി.പി പ്രകാശൻ എന്നിവർ സംസാരിച്ചു. കെ.പി.ജിനചന്ദ്രനെ പുതിയ സെക്രട്ടറിയായി തിരഞ്ഞെടുത്തു.