പള്ളിക്കത്തോട്: കെ.എസ്.ഇ.ബി ലിമിറ്റഡ് സൗര പദ്ധതിയുടെ ഭാഗമായി പള്ളിക്കത്തോട് സെക്ഷൻ ഓഫീസിൽ നടക്കുന്ന സ്‌പോർട്ട് രജിസ്‌ട്രേഷൻ ക്യാമ്പ് ഇന്ന് അവസാനിക്കും. രജിസ്റ്റർ ചെയ്യാൻ താല്പര്യമുള്ള ഉപഭോക്താക്കൾ 13 അക്ക കൺസ്യൂമർ നമ്പർ, കെ.എസ്.ഇ.ബിയിൽ രജിസ്റ്റർ ചെയ്തിരിക്കുന്ന മൊബൈൽ നമ്പർ അടങ്ങുന്ന ഫോൺ എന്നിവ സഹിതം സെക്ഷൻ ഓഫീസിൽ എത്തിച്ചേരണം. പദ്ധതി പ്രകാരം സബ്‌സിഡി നിരക്കിൽ പുരപ്പുറ സൗരോർജ്ജനിലയം സ്ഥാപിക്കമ്പോൾ വൈദ്യുതി ചാർജ് ഇനത്തിൽ ഗാർഹിക ഉപഭോക്താക്കൾക്ക് ഇളവ് ലഭിക്കും. മൂന്ന് കിലോവാട്ട് വരെയുള്ള നിലയത്തിന് 40 ശതമാനം വരെ സബ്‌സിഡിയും തുടർന്ന് ഓരോ കിലോവാട്ടിനും (10 കിലോവാട്ട് വരെ) 20 ശതമാനം സബ്‌സിഡിയും ലഭിക്കും. മിച്ചമുള്ള വൈദ്യുതി കെ.എസ്.ഇ. ബി ലിമിറ്റഡിന് നൽകി ലാഭം നേടാനും അവസരമുണ്ട്.