തൊടുപുഴ: ജില്ലാ ലീഗൽ സർവീസസ് അതോറിറ്റി ഇടുക്കി ജില്ലയിലാകെ നടത്തിയ ലോക് അദാലത്തിൽ 3010 കേസുകൾ തീർപ്പാക്കി. എപ്പിഡെമിക് ഡിസീസസ് ഓർഡിനൻസ് പ്രകാരമുള്ള കേസുകൾ ഉൾപ്പെടെ ജില്ലയിലെ മജിസ്ട്രേറ്റ് കോടതികളിൽ കെട്ടിക്കിടന്ന 2,53,80687 രൂപയുടെ 107 വാഹനാപകട നഷ്ടപരിഹാര കേസുകൾ, 487 ബാങ്ക് റിക്കവറി കേസുകൾ ഉൾപ്പെടെയുള്ള വിവിധ കേസുകളിലായി 10,36,82,535 രൂപയുടെ വ്യവഹാരങ്ങളാണ് തീർപ്പാക്കിയത്. 31,27,750 രൂപ പിഴയിനത്തിൽ ഗവൺമെൻ്റിലേക്ക് ഒടുക്കുകയുണ്ടായി. ജില്ലാ ജഡ്ജി ശശികുമാർ , ജില്ലാ ലീഗൽ സർവീസസ് അതോറിറ്റി സെക്രട്ടറിയും സബ് ജഡ്ജുമായ സിറാജുദ്ദീൻ എന്നിവർ നേതൃത്വം നൽകി.