തലയോലപ്പറമ്പ് : ചെമ്പിൽ കഞ്ചാവ് മാഫിയയുടെ ആക്രമത്തിൽ രണ്ട് ഡി.വൈ.എഫ്‌.ഐ പ്രവർത്തകർക്ക് പരിക്കേറ്റു. കഴിഞ്ഞ ദിവസം രാത്രി 9.45 ഓടെ ചെമ്പ് അങ്ങാടിയിലാണ് സംഭവം. തട്ടുകടയിൽ ഭക്ഷണം കഴിക്കാനെത്തിയ മിഥുൻജിത്ത്, സനീഷ് എന്നിവർക്കാണ് പരിക്കേറ്റത്. ഗുരുതരമായി പരിക്കേ​റ്റ ഇരുവരെയും വൈക്കം താലൂക്ക് ആശുപത്രിയിൽ പ്രവേശിപ്പിച്ചു. മാരകായുധങ്ങളുമായി എത്തിയ സംഘം ആക്രമിക്കുകയും വധഭീഷണി മുഴക്കുകയും പ്രദേശത്ത് ഭീകരാന്തരീക്ഷം സൃഷ്ടിക്കുകയുമായിരുന്നു. കഞ്ചാവ് മാഫിയക്കെതിരെ ശക്തമായ നിയമനടപടി സ്വീകരിക്കണമെന്നും ആക്രമികളെ ഉടൻ പിടികൂടണമെന്നും ഡി.വൈ.എഫ്‌.ഐ തലയോലപ്പറമ്പ് ബ്ലോക്ക് കമ്മി​റ്റി ആവശ്യപ്പെട്ടു. വൈക്കം പൊലീസ് കേസെടുത്ത് അന്വോഷണം ആരംഭിച്ചു.