തലയോലപ്പറമ്പ് : വൈക്കം മുഹമ്മദ് ബഷീർ സ്മാരക സമിതി ഏർപ്പെടുത്തിയിട്ടുള്ള ബഷീർ പുരസ്‌കാരങ്ങളായ ബഷീർ ബാല്യകാലസഖി പുരസ്‌കാരം എഴുത്തുകാരി ബി.എം.സുഹറയ്ക്കും ബഷീർ അമ്മ മലയാളം പുരസ്‌കാരം കവയത്രി വി.എം.ഗിരിജയ്ക്കും ഇന്ന് നൽകും. പതിനായിരത്തി ഒന്ന് രൂപ ക്യാഷ് അവാർഡും പ്രശസ്തിപത്രവും മൊമ്മോന്റോയും അടങ്ങുന്നതാണ് അവാർഡ്. തലയോലപ്പറമ്പിൽ ബഷീർ കുടുംബ സമേതം 1960 മുതൽ 1964 വരെ താമസിച്ചിരുന്ന ഇന്നത്തെ ഫെഡറൽ നിലയത്തിലാണ് പുരസ്‌കാര ചടങ്ങ് സംഘടിപ്പിച്ചിരിക്കുന്നത്. വൈകിട്ട് 5ന് സമിതി വൈസ് ചെയർമാൻ ഡോ. പോൾ മണലിന്റെ അദ്ധ്യക്ഷതയിൽ ബഷീറിന്റെ മകൻ അനീസ് ബഷീർ പുരസ്‌കാര സമർപ്പണം നടത്തും. സമിതി ചെയർമാൻ കിളിരൂർ രാധാകൃഷ്ണൻ ഉദ്ഘാടനം ചെയ്യും. ഡോ.എം.എം ബഷീർ മുഖ്യപ്രഭാഷണം നടത്തും. കരകൗശല വികസന കോർപ്പറേഷൻ ചെയർമാൻ പി.രാമഭദ്റൻ, ഭാരത് ഭവൻ സെക്രട്ടറി പ്രമോദ് പയ്യനൂർ, എം.ഡി ബാബുരാജ്, കെ.എസ് ഇന്ദു, മോഹൻ.ഡി.ബാബു, അഡ്വ. ടോമി കല്ലാനി, ഡോ. വി.ടി.ജലജാകുമാരി, ഡോ.അംബിക എ. നായർ, ഡോ.എസ്. ലാലി മോൾ, ഡോ. യു.ഷംല, ഡോ.എസ്. പ്രീതൻ, അബ്ദുൾ ആപ്പാഞ്ചിറ, കെ.എം.ഷാജഹാൻ, ഫെഡറൽ ബാങ്ക് അസോസിയ​റ്റ് വൈസ് പ്രസിണ്ടന്റ് ആർ.കലാദേവി എന്നിവർ പങ്കെടുക്കും.