കുറിച്ചി: എസ്.എൻ.ഡി.പി യോഗം 1265-ാം നമ്പർ കുറിച്ചി ശാഖാ ശങ്കരപുരം ശ്രീമഹാദേവക്ഷേത്രത്തിൽ ഉത്സവവും 15-ാമത് ഗുരുദേവ പ്രതിഷ്ഠാ വാർഷിക ഉത്സവവും 26 മുതൽ ഏപ്രിൽ 2 വരെ നടക്കും. 22 മുതൽ 24 വരെ പറയ്‌ക്കെഴുന്നള്ളിപ്പ്. 26ന് രാവിലെ 5.30ന് ഗണപതിഹോമം, വൈകിട്ട് 7നും 8നും മദ്ധ്യേ തന്ത്രി താഴ്മൺമഠം കണ്ഠരര് രാജീവരരുടെയും ക്ഷേത്രം മേൽശാന്തി ശ്രീകുമാർ പുതുമന ഇല്ലത്തിന്റെയും മുഖ്യകാർമ്മികത്വത്തിൽ കൊടിയേറ്റ്. വൈകിട്ട് 8.15ന് അന്നദാനം, 8.30ന് മേജർസെറ്റ് കഥകളി. 27ന് രാവിലെ 11ന് ഉത്സവബലി, ഉച്ചയ്ക്ക് 1ന് അന്നദാനം, വൈകിട്ട് 7ന് സംഗീത സദസ്. 28ന് രാവിലെ 8ന് ശ്രീഭൂതബലി, 10.30ന് നവകം, 12.30ന് അന്നദാനം, വൈകിട്ട് 7ന് ഏകാത്മകം, 7.30ന് തിരുവാതിര, 8ന് ദേവസംഗീതം,10ന് കഥകളി സംഗീതം. 29ന് രാവിലെ 8ന് ശ്രീഭൂതബലി, വൈകിട്ട് 6ന് പ്രദോഷപൂജ, വൈകിട്ട് 7ന് സംഗീതാമൃതം. 30ന് രാവിലെ 9.30ന് സർപ്പപൂജ, വൈകിട്ട് 7ന് സാംസ്‌കാരിക സമ്മേളനം എസ്.എൻ.ഡി.പി യോഗം ചങ്ങനാശേരി യൂണിയൻ പ്രസിഡന്റ് ഗിരീഷ് കോനാട്ട് ഉദ്ഘാടനം ചെയ്യും. ശാഖാ പ്രസിഡന്റ് കെ.എൻ ജയപ്രകാശ് കുളത്തുങ്കൽ അദ്ധ്യക്ഷത വഹിക്കും. യൂണിയൻ വൈസ് പ്രസിഡന്റ് പി.എം ചന്ദ്രൻ സംഘടനാസന്ദേശം നൽകും. യൂണിയൻ സെക്രട്ടറി സുരേഷ് പരമേശ്വരൻ മുഖ്യപ്രഭാഷണം നടത്തും. വിദ്യാഭ്യാസ എൻഡോവ്‌മെന്റ് വിതരണം കുറിച്ചി പഞ്ചായത്ത് പ്രസിഡന്റ് സുജാത സുശീലൻ നിർവഹിക്കും. കെ.ആർ ഷാജി, പ്രശാന്ത് മനന്താനം എന്നിവർ പങ്കെടുക്കും. ശാഖാ സെക്രട്ടറി കെ.കെ സന്തോഷ് കല്ലുങ്കൽ സ്വാഗതവും ശങ്കരപുരം ദേവസ്വം മാനേജർ ബിജു ശ്രീവാണി കാവിൽകിഴക്കേതിൽ നന്ദിയും പറയും. രാത്രി 8ന് ഗാനമേള. 31ന് രാവിലെ 8ന് ശ്രീഭൂതബലി, വൈകിട്ട് 7ന് സംഗീതസദസ്. ഏപ്രിൽ 1ന് രാവിലെ 9ന് കുംഭകുടഘോഷയാത്ര, 11ന് കുംഭകുട അഭിഷേകം, വൈകിട്ട് 7ന് സേവ, പറയെടുപ്പ്, 11ന് പള്ളിനായാട്ട്. ഏപ്രിൽ 2ന് രാവിലെ 7ന് പള്ളിയുണർത്തൽ, 7.30ന് ഗണപതിഹോമം, 8ന് ഉഷപൂജ, 10ന് ഉച്ചപൂജ, വൈകുന്നേരം 4ന് ആറാട്ട് പുറപ്പാട്, വൈകിട്ട് 6.30ന് ആറാട്ട് കടവിൽ ദീപാരാധന, 7.30ന് ആറാട്ട് വരവേൽപ്പ്, 12.30ന് കൊടിയിറക്ക്, വെടിക്കെട്ട്.