വൈക്കം : വല്ലകം സെൻമേരിസ് പള്ളിയിൽ വിശുദ്ധ യൗസേപ്പിതാവിന്റെ മരണത്തിരുനാൾ ഭക്തിനിർഭരമായ ചടങ്ങുകളോടെ ആചരിച്ചു. വിശുദ്ധ ഗ്രന്ഥം വായന, വിശുദ്ധ കുർബാന, പ്രസംഗം എന്നിവ നടത്തി. വികാരി ഫാ.ടോണി കോട്ടയ്ക്കൽ മുഖ്യകാർമ്മികനായി. കൊതവറ പള്ളിവികാരി ഫാദർ ബൈജു കണ്ണമ്പുഴ സഹകാർമ്മികനായി. ട്രസ്​റ്റിമാരായ കെ ജി ജോർജ്ജ് പഴേമഠം, എബ്രഹാം മങ്ങാട്ട്, വൈസ് ചെയർമാൻ സന്തോഷ് അറയ്ക്കൽ പറമ്പിൽ, ജനറൽ കൺവീനർ തങ്കച്ചൻ പഴേമഠം, ജോയ് തമ്പിതറ, ജോണികുരിയപുറം, ജോസ് കടവിതറ, ആന്റോ തൈപ്പറമ്പിൽ, അന്നമ്മ മാത്യു എന്നിവർ നേതൃത്വം നൽകി.