വൈക്കം : നഗരസഭാ പരിധിയിൽ വരുന്ന പ്രദേശങ്ങളിൽ മലമ്പനി നിവാരണ പ്രഖ്യാപനം നടത്തി. വൈക്കം നഗരസഭയുടെയും താലൂക്ക് ഗവ.ഹെഡ്ക്വാർട്ടേഴ്‌സ് ആശുപത്രിയുടേയും, ജില്ലാ വെക്ടർ കൺട്രോൾ യൂണി​റ്റ് എന്നിവയുടെയും നേതൃത്വത്തിലായിരുന്നു പരിപാടി സംഘടിപ്പിച്ചത്. നഗരസഭാ വൈസ് ചെയർമാൻ പി.ടി സുഭാഷ് മലമ്പനി നിവാരണ പ്രഖ്യാപനം നടത്തി. താലൂക്ക് ആശുപത്രി സൂപ്രണ്ട് ഡോ.അനിത ബാബുവിന് മലമ്പനി നിവാരണ വിളംബര പത്രം കൈമാറി. വികസനകാര്യ സ്റ്റാൻഡിംഗ് കമ്മി​റ്റി ചെയർപേഴ്‌സൻ സിന്ധു സജീവൻ അദ്ധ്യക്ഷത വഹിച്ചു. ജില്ലാ മലേറിയ ഓഫീസർ അനിൽകുമാർ മുഖ്യപ്രഭാഷണം നടത്തി. പി.പി യൂണീ​റ്റ് മെഡിക്കൽ ഓഫീസർ ഡോ. പ്രസിമോൾ, താലൂക്ക് ആശുപത്രി ആർ.എം.ഒ ഡോ.എസ്.കെ ഷീബ, നഗരസഭ കൗൺസിലർമാരായ ബി.രാജശേഖരൻ, രാജശ്രീ വേണുഗോപാൽ, പി.എസ് രാഹുൽ, അശോകൻ വെള്ളവേലി ,താലൂക്കാശുപത്രി ഉദ്യോഗസ്ഥരായ. കെ.എസ് ലത , ജൂനിയർ പബ്ലിക്ക് ഹെൽത്ത് നേഴ്‌സ് എം.എസ് ഷീബ , വെക്ടർ കൺട്രോൾ യൂണി​റ്റ് ഉദ്യോഗസ്ഥർ, ആശാ പ്രവർത്തകർ, അംഗൻവാടി വർക്കർമാർ, കുടുംബശ്രീ അംഗങ്ങൾ എന്നിവർ പങ്കെടുത്തു.