വൈക്കം : എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശന്റെ ശതാഭിഷേകത്തിന്റെയും യോഗ സാരഥ്യ രജത ജൂബിലിയുടേയും ഭാഗമായി എസ്.എൻ.ഡി.പി യോഗം വൈക്കം യൂണിയനും സത്യഗ്രഹ സ്മാരക ആശ്രമം സ്‌കൂളും ചേർന്ന് നിർമ്മിച്ചു നൽകുന്ന നാലാമത്തെ വീടിന്റെ കട്ടിളവെയ്പ്പ് യൂണിയൻ പ്രസിഡന്റ് പി.വി. ബിനേഷും സെക്രട്ടറി എം.പി സെന്നും ചേർന്ന് നിർവഹിച്ചു. ഒരോ വീടിനും ഏഴര ലക്ഷം രൂപയാണ് നിർമ്മാണ ചെലവ്. സ്‌കൂൾ പ്രിൻസിപ്പാൾമാരായ എ.ജ്യോതി, ഷാജി.ടി കുരുവിള, പ്രഥമ അദ്ധ്യാപിക പി.ആർ. ബിജി, എൻ.എസ്.എസ് പ്രോഗ്രാം ഓഫീസർമാരായ ഇ.പി ബീന, മഞ്ചു എസ്. നായർ, സി.എസ്.ജിജി, പി.ടി.എ പ്രസിഡന്റ് പി.പി.സന്തോഷ്, എസ്.ജയൻ, ജി.ജയൻ, എം.ആർ.രതീഷ്, പി.സദാശിവൻ, എം.സി..സുനിൽകുമാർ, കെ.ടി.ചന്ദ്രൻ, വി.എം.വിപിൻ, ടി.കെ.ജയകുമാർ, കെ.പി. ഷാജി , എം.ആർ.രഞ്ജിത്ത്, പി.ഡി.സരസൻ, വി.ആർ.രതീഷ് എന്നിവർ പങ്കെടുത്തു. വൈക്കം യൂണിയന്റെ നേതൃത്വത്തിൽ നിർദ്ധനർക്ക് നൽകുന്ന 34ാമത്തെ വീടാണിത്.