മുണ്ടക്കയം. വീടുകളുടെ സമീപത്ത് പുലർച്ചെ സംശയാസ്പദമായ സാഹചര്യത്തിൽ അന്യസംസ്ഥാന തൊഴിലാളികൾ ചുറ്റി തിരിഞ്ഞത് ജനങ്ങളെ ആശങ്കയിലാഴ്ത്തി. വരിക്കാനി കവലയ്ക്ക് സമീപം ഇന്നലെ പുലർച്ചെയാണ് സംഭവം. ഷാജി ഷാസ്, ശീപദം മോഹൻദാസ്, പുന്നത്തറ ജോർജ് എന്നിവരുടെ വീടിന് സമീപമാണ് അന്യസംസ്ഥാന തൊഴിലാളികളെ കണ്ടത്. തുടർന്ന് വീടുകളിലെ സിസിടിവി ക്യാമറകൾ പരിശോധിച്ചപ്പോൾ നാലംഗ സംഘമാണെന്ന് മനസിലായി. മൂന്ന് പേർ റോഡിൽ നിൽക്കുകയും ഒരാൾ വീടിന്റെ പരിസരത്ത് നടക്കുകയുമായിരുന്നു. തുടർന്ന് വീട്ടുകാർ പൊലീസിൽ പരാതി നൽകി. ഇതേക്കുറിച്ച് കൂടുതൽ അന്വേഷണം നടത്തിവരികയാണെന്ന് പൊലീസ് അറിയിച്ചു.